Ti knăm anăn, mâo wăt phung bi ala gưl dlông, kahan alŭ wăl 5, Khua knơ̆ng kiă kriê Binh đoàn 15, phung khua kiă kriê čar, mbĭt hŏng lu phung knuă druh, lĭng kahan lehanăn mnuih ƀuôn sang alŭ wăl. Blŭ hrăm hlăm knăm čang ênuh, k’iăng khua knơ̆ng bruă sang čư̆ êa čar Nguyễn Thị Thanh Lịch lač Gia Lai jing kdrăn mblah prŏng msĕ si   Pleime, Ia Drang, Ia Boòng, Ia Mơr, Ia Puch…

Klang êrah phung lĭng kahan đru mjing leh klei dưi yan mnga thŭn 1975, mhlunh lir lăn čar. Klei tui duah, kuai ba wĭt klang kleh phung djiê êngiă jing bruă čuăn lehanăn bruă klam mơ̆ng Đảng, Knŭk kna lehanăn mnuih ƀuôn sang. Klang kleh 18 čô kahan djiê êngiă mâo kuai ba wĭt tal anei mơ̆ng hrue  9–15/10 ti ƀuôn Gà (ƀuôn hgŭm Ia Boòng), lu klang ăt adôk hrông mnơ̆ng mnuă hlăm asei msĕ si jep ksu, boh nut ao, ksĭ gĭ kŏ./.