Phŭn bruă lĭng kahan mđup brei kơ hđeh sang hră krĭng knông lăn Gia Lai sa boh sang hră ênoh 20 êklai prăk
Thứ tư, 10:15, 19/11/2025
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tlam mbruê 18/11, ti ƀuôn hgŭm Ia Krel, čar Gia Lai, Binh Đoàn 15 (Phŭn bruă lĭng kahan) mkŏ mjing knăm ba yua leh anăn jao sang hră hđeh điết Sao Mai kơ phung nai leh anăn hđeh sang hră ƀuôn hgŭm Ia Krel, čar Gia Lai.
Sang hră hđeh điêt Sao Mai jing sa hlăm dŭm sang hră mâo Phŭn bruă lĭng kahan leh anăn dŭm knơ̆ng bruă lĭng kahan rŭ mdơ̆ng ti alŭ wăl knông lăn.
Hdră mâo lu anôk djăp klei hriăm kơ êbeh 300 čô hđeh điêt mơ̆ng 24 ƀuôn hlăm dŭm ƀuôn hgŭm nah Yŭ čar Gia Lai. Đại tá Khuất Bá Cao, khua dlăng bruă Đảng, k’iăng khua knơ̆ng gĭt gai lĭng kahan Bình Đoàn 15 brei thâo: Bruă ba yua sang hră hđeh điêt Sao Mai đru bi mâo djăp klei čiăng mtô leh anăn hriăm mơ̆ng anôk čô knuă druh, lĭng kahan leh anăn mnuih ƀuôn sang, mkŏ mjing tur knơ̆ng hơĭt kjăp mđĭ kyar alŭ wăl knông lăn. Bình đoàn 15 hmăng hmưi alŭ wăl, sang hră srăng mbĭt hŏng Bình Đoàn bi lar ktang boh tŭ mơ̆ng sang hră.
Viết bình luận