Dŭ mdiăng êbeh 15.400 mta klang kleh lĭng kahan djiê êngiă pioh mkă dlăng ADN hŏng êdeh phiơr kahan
Thứ ba, 09:11, 06/10/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hruê mbruê 5/10, ti Tač êdeh phiơr prŏng Cần Thơ, Knơ̆ng gĭt gai lĭng kahan krĭng 9 bi hgŭm hŏng Anôk bruă lĭng kahan răng mgang wăl adiê leh anăn dŭm alŭ wăl krĭng Dap mnai êa krông Cửu Long mkŏ mjing hdră ba dŭ mdiăng, jao 15.401 mta klang lĭng kahan kơ hdră ksiêm dlăng ADN, bi mklă anăn phung lĭng kahan djiê êngiă.
Anei jing gưl ba dŭ mdiăng tal 11 leh anăn jing gưl tal êlâo hluê ngă hŏng êdeh phiơr dŭ mdiăng lĭng kahan CASA-C295 mơ̆ng Lữ đoàn 918. Blŭ hrăm ti knăm anei, Trung tướng Hồ Văn Thái, Khua bruă kđi čar kahan alŭ wăl 9, mñă kơ phung knuă druh, lĭng kahan hŏng dŭm anôk bruă djŏ tuôm dôk gĭr hluê ngă "Hdră bruă 500 hruê mlam" kơ bruă tui duah, bi kƀĭn leh anăn bi mklă anăn phung lĭng kahan djiê êngiă, bi êdah bruă klam prŏng hĭn ti anăp klei săn asei mơ̆ng phung jhŏng ktang djiê êngiă.
Dŭm mta sinh phẩm dưi ba mơĭt kơ Hà Nội čiăng ba jao kơ dŭm anôk bruă thơ̆ng kơ bruă ngă klei bi mklă ADN. Bruă ngă bi êdah êlam klei bhiăn "Mnăm êa hdơr kơ hnoh", klei hdơr knga mơ̆ng ênuk ară anei hŏng phung săn leh asei kyua lăn čar.
Viết bình luận