Tui hluê klei bi knăl mơ̆ng kahan hđăp 73 thŭn, ƀuh klang phung djiê êngiă leh êbeh 50 thŭn ti Dak Lak
Thứ sáu, 08:50, 09/10/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Klei hưn mơ̆ng kahan hđăp 73 thŭn đru leh kơ êpul tui duah, bi kƀĭn bi mklă klă klơ̆ng anôk dơr klang kleh kahan djiê êngiă Trương Văn Tiến êbeh 50 thŭn êgao.
Klang kleh kahan djiê êngiă dưi ƀuh ti alŭ wăl krĭng 6, să An Nghiệp, kdriêk Tuy An, čar Phú Yên (hđăp) ară anei jing alŭ Thế Hiên, să Tuy An Tây, čar Dak Lak. Klang kleh kahan djiê êngiă ară anei dưi mpŭ mni, kriê pioh ti Wăl msat Tuy An, să Ô Loan, čar Dak Lak, dôk guôn mkŏ mjing Knăm čang ênuh, čuă klang kleh leh anăn dơr hlăm wưng kơ anăp.
Anei jing klang kleh lĭng kahan djiê êngiă tal 40, hlăm anăn mâo 6 klang kleh lĭng kahan dưi bi mklă anăn, mâo Êpul K51 tui duah, bi kƀĭn hlăm Hdră bruă 500 hruê mlam kơ bruă tui duah, bi kƀĭn leh anăn bi mklă anăn klang kleh lĭng kahan djiê êngiă.
Viết bình luận