Hruê 5/10, Êpul bi kƀĭn klang lĭng kahan djiê êngiă (Êpul K74) mơ̆ng Knơ̆ng gĭt gai lĭng kahan ƀuôn prŏng Hồ Chí Minh lŏ dơ̆ng pŏk mlar anôk tui duah ti Wăl B, War mnga Lê Thị Riêng. Hlăm hruê, adiê mâo hjan, hmăi truh kơ hdră kuai lehanăn dŭ mdiăng lăn. Boh tŭ, Êpul K74 dưi ƀuh, bi kƀĭn thiăm 13 klang lĭng kahan djiê êngiă, hlăm anăn sa klang mâo mnơ̆ng mbĭt.

Yap mơ̆ng hruê 23/6 truh kơ ară anei, êpul djŏ tuôm Êpul bi kƀĭn klang lĭng kahan djiê êngiă dưi ƀuh, bi kƀĭn 731 klang lĭng kahan djiê êngiă ti War mnga Lê Thị Riêng, ƀuôn hgŭm Hòa Hưng, ƀuôn prŏng Hồ Chí Minh. Anôk anei êlâo dih dôk hlăm Sang msat Đô Thành, lŏ pia jing Sang msat Chí Hòa - Chợ Quán. Hlăm ênoh jih jang klang kleh dưi ƀuh, 698 klang kleh dưi ƀuh hjăn; 33 klang kleh dưi ƀuh ti 8 anôk msat bi kƀĭn, mâo 2 anôk ti Wăl A leh anăn 6 anôk ti Wăl B.