VOV.Êđê- Lŏ dơ̆ng hlăm klei bi kƀĭn tal 48, tlam mbrue (12/8), Dhar bruă gĭt gai bruă kƀĭn ala mă klei blŭ kơ bruă čih mkra hdră bhiăn bruă kƀĭn ala lehanăn êpul gơ̆ng bruă ƀuôn sang kăp ksiêm, lŏ dơ̆ng mlih mrâo.

VOV.Êđê- Dhar bruă gĭt gai Anôk bruă kƀĭn ala mrâo mkŏ mjing Klei bi kƀĭn trông kơ bruă ksiêm dlăng hŏng akŏ “Hdră ksiêm dlăng mơ̆ng Anôk bruă kƀĭn ala čiăng mĭn mjing kơ hdră đĭ kyar mrâo”. Ti anôk bi kƀĭn trông, Khua anôk bruă kƀĭn ala Trần Thanh Mẫn mñă, Dhar bruă gĭt gai Anôk bruă kƀĭn ala brei ksiêm dlăng nanao, wăt hŏng bruă mjêč čiăng pral hmao ƀuh dŭm klei dleh kpăk, pral ruh mtlaih klei dleh dlan.

VOV.Êđê- Hdră “Ngă bruă kyua yang ƀuôn” tal 31 ruah leh ƀuôn hgŭm Kon Čiêng, sa hlăm dŭm krĭng lăn dleh dlan hĭn mơ̆ng čar Gia Lai jing anôk truh. Mkŏ mjing hlăm 2 hruê, hdră ba leh klei bi kah mbha mơ̆ng grăp krĭng kwar lăn čar truh kơ mnuih ƀuôn sang krĭng mnuih djuê ƀiă tinei.

VOV.Êđê- Mđrăm mbĭt hŏng bruă sang čư̆ êa, êpul êdam êra hlăm čar mâo leh klei ba anăp ngă bruă bi mlih mrô, đru bi hrŏ êwang bi kpleh klei amâo mâo thâo yua kdrăp mrô hlăm krĭng taih kbưi, krĭng mnuih djuê ƀiă hlăm čar Daklak.

VOV.Êđê- Mđing msir mgaih klei kơ bruă djuê ana, klei đăo mơ̆ng anôk bruă nah gŭ, amâo brei jing dŭm bruă dleh dlañ djŏ tuôm kơ klei đăo.

VOV.Êđê- Anôk bruă knơ̆ng Phú Quý, čar Lâm Đồng, jing sa hlăm 13 anôk bruă knơ̆ng kluôm ala, dưi mkŏ mjing mơ̆ng tur knơ̆ng bi mŭt 3 să mơ̆ng kdriêk pllao ksĭ Phú Qúy, čar Bình Thuận êlâo dih. Wăt tơdah adôk lu klei dleh dlan, ƀiădah bruă Đảng, mnuih ƀuôn sang ti anôk bruă Knơ̆ng Phú Qúy gĭr ktưn mlih mrâo čiăng kpưn đĭ kyar.

VOV.Êđê- Hlăm wưng êgao, Êpul kahan djă phao ktuang čar Quảng Ngãi mkŏ mjing leh lu hdră bruă klă sĭt mđing truh kơ phung Amĭ Việt Nam jhŏng ktang, găp djuê kahan êka êkeh, gŏ sang knŭk kna dlăng ba. Lu hdră tŭ yuôm msĕ si đru mdơ̆ng sang, mkra sang, ksiêm mkă dlăng mbha êa drao amâo mă prăk mâo leh phung knuă druh lĭng kahan mkŏ mjing ti lu anôk. Dŭm bruă ngă anei kbiă hriê mơ̆ng ai tiê grăp čô kahan Awa Hô.

VOV.Êđê- Knŏng hlăm dŭm mlan, giăm 6.400 boh sang mâo leh êpul kahan ksiêm dŭm gưl rŭ mdơ̆ng ti dŭm ƀuôn êlan Lăn Dap Kngư, ba truh klei hơ̆k mơak, klei bi mlih hlăm grăp gŏ sang.

VOV.Êđê- Hlăm hdră hruê mbruê, hmei mâo leh klei čih tal 1 mơ̆ng klei čih “Lăm lui sang tĭ, rưč - mdơ̆ng ai tiê đăo knang ti dŭm ƀuôn sang Lăn Dap Kngư”, lač kơ bruă klam phŭn, ba anăp mơ̆ng bruă Kahan ksiêm, tơdah klam bruă răng mgang klei êđăp ênang, hrăm mbĭt mdơ̆ng sang mrâo - lăm lui sang tĭ, rưč đru kơ gŏ sang dleh dlan hlăm dŭm ƀuôn êlan. Hdră mđung hruê anei, alum, kơ ƀĭng drei hmư̆ kdrêč tal 2 mơ̆ng klei čih, lač kơ klei jăk siam mơ̆ng Hdră lăm lui sang tĭ, rưč kyua Khua Knŭk kna pŏk ngă kơrŭ ai tiê “hla hluôm hruôm hla tĭ”, klei bi đru hlăm grăp čô mnuih ƀuôn sang Việt Nam.

VOV.Êđê- Lăn dap kngư prŏng giăm 55.000km2, jing anôk dôk hdĭp mơ̆ng giăm 5 êklăk čô mơ̆ng 54 djuê ana ayŏng adei. Mbĭt hŏng mnuih ƀuôn sang djuê ana ƀiă tinei, Lăn dap kngư ăt jing anôk mâo lu mnuih mơ̆ng djăp krĭng hriê mkŏ klei hdĭp, hlăm anăn mâo lu mnuih dleh dlan, hlăk dôk hdĭp hlăm dŭm boh sang tĭ ƀrôč. Kñăm đru kơ mnuih ƀuôn sang mâo klei hdĭp dleh dlan, grăp thŭn dŭm čar hlăm krĭng duh leh dŭm pluh êklai prăk, rŭ mkra lehanăn jao dŭm êtuh boh sang hgŭm mguôp. Truh kơ thŭn 2025 anei, mdơ̆ng mrâo, msir lăm sang dôk êjai jing leh bruă prŏng hlăk dŭm knơ̆ng, dhar bruă lehanăn alŭ wăl dôk mđing truh asăp iêu mthưr mơ̆ng Khua knŭk kna, gĭr msir lăm jih sang dôk êjai, sang tĭ ƀrôč hlăm kluôm ala čar.