VOV4.Êđê - Klei mtrŭt mjhar “Bui mlih knhuah mĭn, hdră ngă, brei kơ mnuih djuê ƀiă gĭt ktưn tlaih mơ̆ng klei ƀun ƀin” klă klơ̆ng nao hlăm klei hdĭp, mâo mnuih ƀuôn sang sa ai leh anăn hur har hluê ngă nao hgŭm. Anei jing klei bi klă mơ̆ng Bruă Đảng čar Kon Tum hlăm klei kƀĭn trông hruê mbruê 6/5.

VOV4.Êđê- Êlâo kơ klei bi kƀĭn tal 9 mơ̆ng Anôk bruă kƀĭn ala, ti Klei bi kƀĭn tal 44, Dhar bruă gĭt gai anôk bruă kƀĭn ala brei leh klei blŭ kơ lu bruă yuôm bhăn. Năng mđing jing klei čih mkra Hdră mtrŭn kơ bruă bi hrŏ prăk jia bi mđĭ ênoh kơ 6 mlan knhal jih thŭn 2025 lehanănkluôm thŭn 2026, bruă mkra mlih, thiăm mbŏ dŭm mta hlăm Klei bi kƀĭn Anôk bruă kƀĭn ala.

VOV4.Êđê- Hŏng mnuih djuê ƀiă Lăn Dap Kngư, bruă brei čan prăk čiăng mkra mjing leh anăn lŏ wĭt tla ênoh čan, jing bruă bŏ dleh dlan,tuôm ngă kơ kơ lu gŏ sang tŭ klei kñap mñai dưn mơh. Khădah snăn, mơ̆ng leh Knơ̆ng prăk đru ba ala ƀuôn mkŏ mjing adŭ ngă bruă brei čan ti grăp alŭ wăl gưl kdriêk, să leh anăn lu alŭ mâo dŭm êpul brei čan prăk … snăn prăk čan đru ba ala ƀuôn mâo prăk mnga hdjil jing mưng leh, mđĭ lar boh tŭ lu snăk hlăm klei lăm lui klei ư̆ êpa ƀun ƀin. Lu gŏ êsei mâo prăk čan anei mâo leh klei thâo kjăp

VOV4.Êđê-Ti dŭm kdriêk čư̆ čhiăng čar Quảng Nam dôk bi lar gru hmô mđĭ kyar bruă duh mkra, mjing knhuang jăk hlăm bruă bi hrŏ ƀun. Mnuih ƀuôn sang dưi yua jăk hĭn hdră êlan, klei găl đru kơ knŭk kna, mjing bruă mă, mđĭ prăk hrui wĭt.

VOV4.Êđê- Dŭm thŭn êgao, dŭm anôk bruă ksu hlăm Binh đoàn 15 (Phŭn bruă lĭng kahan) ngă bruă ti dua čar Gia Lai lehanăn Kon Tum mđing kơ bruă hrŏng ruah, mjuăt bi hriăm mnuih mă bruă jing mnuih djuê ƀiă. Bruă bi mguôp hŏng mnuih ƀuôn sang alŭ wăl amâo djŏ knŏng đru bi hơĭt boh tŭ bruă duh mkra, mnia mblei mơ̆ng grăp êpul êya, alŭ wăl ƀiădah lŏ đru mđĭ kyar djăp mta ra bruă hlăm klei hdĭp mơ̆ng mnuih mă bruă jing mnuih djuê ƀiă ti alŭ wăl

VOV4.Êđê- Ngă bruă atăt mnuih nao mă bruă kơ ala tač êngao, tui si klei kuôl kă wưng thŭn 2024 – 2026, čar Đắk Lắk mâo leh ênoh čuăn tiŏ nao truh 7.500 čô mnuih nao mă bruă kơ ala tač êngao.

VOV4.Êđê- Dŭm thŭn êgao, knơ̆ng prăk đru ba yang ƀuôn ti dŭm čar krĭng Lăn dap kngư pŏk ngă leh dŭm hdră mtrŭn brei čan hŏng ênoh jăk găl, đru kơ mnuih ƀuôn sang djuê ƀiă mđĭ kyar bruă duh mkra tŭ dưn.

VOV4.Êđê - Hlăm boh klei kluôm ala pŏk ngă hdră bi mŭt dŭm anôk bruă knŭk kna, êlâo kơ klei bi kƀĭn tal 9, Bruă kƀĭn ala gưl 15, khua gĭt gai đảng, Knŭk kna hŏng Êpul bi ala Bruă kƀĭn ala dŭm čar mkŏ mjing klei bi tuôm hŏng phung bi ala kơ mnuih ƀuôn sang dŭm alŭ wăl hlăm kluôm ala. Khua bruă kƀĭn ala Trần Thanh Mẫn mñă klă: Anei jing klei mâo prŏng snăk ka tuôm mâo hlăm êpul bruă kđi čar, mđing kơ klei kñăm duh jăk hĭn kơ mnuih ƀuôn sang leh anăn mđĭ kyar lăn čar hlăm wưng mrâo. Tŭ ư hŏng bruă bi khuăt êpul mă bruă kñăm mđĭ boh tŭ kriê dlăng leh anăn mjing klei găl mđĭ kyar bruă duh mkra - ala ƀuôn, phung bi ala kơ mnuih ƀuôn sang ăt bi êdah klei rŭng răng kơ dŭm bruă srăng mâo tơdah leh bi mŭt čar.

VOV4.Êđê- Ti klei bi kƀĭn trông kreh knhâo ala čar “Klei tŭ dưi yan mnga thŭn 1975 hŏng ênuk gưl kpưn đĭ kyar mrâo mơ̆ng djuê ana Việt Nam” mrâo mkŏ mjing ti Ƀuôn prŏng Hồ Chí Minh, dŭm klei blŭ mñă klă leh bruă đua klam bi mklă mơ̆ng mnuih ƀuôn sang, mơ̆ng hdră jih jang mnuih ƀuôn sang răng mgang klei êđăp ênang, ai tiê hgŭm mguôp lĭng kahan – mnuih ƀuôn sang mjing leh hdră tŭ dưi hƀuê ênuk. Dŭm boh tŭ yuôm lehanăn klei hriăm anei dưi mđĭ lar hlăm wưng ară anei – leh ala čar mŭt hlăm ênuk gưl mlih mrâo kluôm dhuôm, đĭ kyar pral lehanăn hơĭt kjăp.

VOV4.Êđê- Ƀri wưng bi hdơr 50 thŭn hruê mtlaih êngiê Kwar Dhŭng, hluh hlir lăn čar, aguah mbruê 20/4, Khua gĭt gai Đảng Tô Lâm bi tuôm hŏng phung knuă druh cách mạng, phung mâo bruă tŭ dưn, gŏ sang knŭk kna dlăng ba êdah êdi alŭ wăl kwar Dhŭng.