VOV4.Êđê - Hŏng klei gĭr lehanăn ai tiê “Amâo mâo lui hlei pô dôk ti tluôn”, čar Gia Lai dôk iêu mtrŭt djăp klei găl mâo čiăng msir lăm sang dôk êjai, sang tĭ ƀrôč. Dŭm êbâo boh sang kjăp ară anei dưi bi mlih kơ dŭm boh sang jhat rai, jing leh sang hơuh mđao kơ dŭm gŏ sang ƀun, gŏ sang knŭk kna dlăng ba, mnuih mâo bruă tŭ dưn. Klei hgŭm kngan kjăp mơ̆ng anôk bruă kđi čar amâo djŏ knŏng mkra mđĭ klei hdĭp ƀiădah lŏ jing ai mtrŭt kơ dŭm gŏ sang lŏ dơ̆ng gĭr ktưn kpưn đĭ hĭn.

VOV4.Êđê- Tĭng truh ară anei, kluôm čar Gia Lai mdơ̆ng mrâo lehanăn mkra mđĭ 2.092 boh sang dôk hlăm Hdră msir lăm sang tĭ ƀrôč, sang dôk êjai

VOV4.Êđê - Sa ai hŏng hdră bi lông ktưn kluôm ala hrăm mbĭt “lăm lui sang dôk êjai, sang tĭ rưč”, hruê 6/3, ti sa knông lăn Thuận An, kdriêk Dak Mil, Êpul gĭt gai lăm lui sang dôk êjai, sang tĭ rưč čar Dak Nông mkŏ mjing bruă mphŭn čô̆ leh anăn trŭn kơ bruă lăm lui sang dôk êjai hlăm alŭ wăl čar.

VOV4.Êđê - Hlăm dŭm thŭn êgao, knuă druh, lĭng kahan răng mgang knông lăn čar Kon Tum mâo lu gru hmô ngă bruă tŭ dưn đru kơ mnuih ƀuôn sang mkra mđĭ hdră duh ƀơ̆ng, mđĭ kyar bruă duh mkra gŏ sang. Mơ̆ng akŏ thŭn 2025 truh kơ ară anei, ktuê êlan knông lăn êbeh 292 km siă knông hŏng ala čar Lao lehanăn Campuchia, knuă druh, lĭng kahan răng mgang knông lăn Kon Tum dôk hgŭm kngan đru msir lăm sang dôk êjai, sang tĭ ƀrôč, đru kơ mnuih ƀuôn sang bi hơĭt klei hdĭp.

VOV4.Êđê - Tlam mbruê 4/3, Êpul ngă bruă mơ̆ng Phŭn đru kčĕ bruă (Phŭn bruă lĭng kahan) nao čuă êmuh, mđup brei mnơ̆ng leh anăn jao sang kơ gŏ sang ƀun, gŏ sang knŭk kna dlăng ba ti čar Dak Lak.

VOV4.Êđê- Ti să Êa Drông, wăl krah Ƀuôn Hô mrâo mkŏ mjing Knăm rŭ mdơ̆ng dŭm boh sang tal êlâo, dôk 1 hlăm 4 hdră msir lăm sang dôk êjai, sang tĭ brôč ti čar Dak Lak.

VOV4.Êđê- Knuă druh lĭng kahan kđông răng mgang knông lăn čar Kon Tum hlăk dôk đru bi pral klei rŭ mdơ̆ng, mkra wĭt sang kơ mnuih ƀuôn sang hlăm krĭng knông lăn giăm 200 boh sang, tĭ rưč ti 13 să knông lăn.

VOV4.Êđê- Anôk kriê dlăng bruă Đảng anôk bruă kƀĭn ala wưng thŭn 2020-2025 mkŏ mjing leh Klei bi kƀĭn tal 2. Blŭ hrăm gĭt gai klei bi kƀĭn, Khua bruă Đảng anôk bruă kƀĭn ala, Khua bruă kƀĭn ala Trần Thanh Mẫn mñă leh bruă klam, kơhưm mơ̆ng Anôk bruă kƀĭn ala ƀrư̆ hruê dưi mkra mđĭ, bi mklă lu hdră bruă prŏng, djŏ hŏng ai tiê mnuih ƀuôn sang. Anôk bruă kƀĭn ala dưi mjing leh klei đăo knang, klei čang hmăng mơ̆ng mnuih ƀuôn sang hŏng dŭm hdră mă bruă mơ̆ng Anôk bruă kƀĭn ala.

VOV4.Êđê-Tlam mbruê 27/2, hlăm knăm bi hdơr 70 thŭn hruê nai aê mdrao Việt Nam, bruă sang čư̆ êa čar Kon Tum mkŏ mjing knăm mđup brei anăn knăl Aê mdrao êdah êdi mơ̆ng Khua lăn čar kơ 12 čô aê mdrao.

VOV4.Êđê- Mrâo êgao, ti Anôk bruă mđung asăp mđung rup lĭng kahan Hà Nội, mkŏ mjing leh Knăm bi mni kơ phung êdah êdi “Čung ba mnuih ƀuôn sang mbruă” mơ̆ng Êpul lĭng kahan ti krĭng mnuih djuê ƀiă leh anăn krĭng čư̆ čhiăng. Hlăm knăm anei, mâo leh 35 êpul leh anăn 80 čô mâo bi mni kyua klei đru mguôp êdah êdi hlăm hdră čung ba mnuih ƀuôn sang, đru mđĭ bruă lĭng kahan, klei êđăp ênang leh anăn mkŏ mjing klei êđăp ênang yang ƀuôn.