VOV4.Êđê - Tlam mbruê 6/3, Ti sang bruă Kƀĭn ala, k’iăng khua bruă Kƀĭn ala Trần Thanh Mẫn gĭt gai gưl kƀĭn hmư̆ klei hưn mdah, hlăk mblang kơ hdră bhiăn ênua yang ƀuôn (mkra mlih).

VOV4.Êđê – Bi mklă, bi mlih hră mơar knŭk kna jing “kliăng” ksiêm dlăng hnơ̆ng ư ai, klei čang hmăng mơ̆ng mnuih ƀuôn sang, anôk bruă duh mkra, lu alŭ wăl mâo leh hdră ngă hjăn čiăng mđĭ ênoh mrô anei. Mơ̆ng anăn đru mkŏ mjing sa bruă ngă hră mơar klă mngač, ngă bruă kyua mnuih ƀuôn sang.

VOV4.Êđê - Ƀuôn prŏng Buôn Ma Thuột (Đắk Lắk) bi liê leh 3,5 êklai prăk pioh iêo jak phung knhăk hriê mă bruă, jing phung thâo lu, phung kreh knhâo hlăm dŭm bruă msĕ si: bruă kdrăp mrâo mrang, bruă lŏ hma ênuk mrâo, bruă hiu čhưn ênguê, klei čuăl mkă ƀuôn prŏng, rŭ mdơ̆ng cuăl mkă hdră êlan kơ bruă yang ƀuôn.

VOV4.Êđê - ơ̆ng akŏ thŭn truh kơ ară anei, mâo leh êbeh 600 phung duh mkra ngă leh hră mơar duah mnuih ngă bruă ti alŭ wăl, hŏng ênoh čiăng jih jang êbeh 10 êbâo čô mnuih.

VOV4.Êđê- Hluê ngă klei gĭt gai mơ̆ng Khua knŭk kna, knhal jih hruê kăm êgao, ti ƀuôn prŏng Pleiku, čar Gia Lai, Knŭk kna mkŏ mjing leh Klei bi kƀĭn mđĭ kyar bruă duh mkra – ala ƀuôn mguôp hŏng bruă răng mgang klei êđăp ênang ti krĭng lăn dap kngư, K’iăng khua knŭk kna Trần Lưu Quang, Khua Êpul hgŭm kriê dlăng bruă ti krĭng Lăn dap kngư, Đại tướng Tô Lâm, Khua phŭn bruă kahan ksiêm lehanăn Khua phŭn bruă Hdră kčah – Duh bi liê Nguyễn Chí Dũng, K’iăng khua Êpul hgŭm kriê dlăng bruă ti krĭng Lăn dap kngư, hrăm mbĭt gĭt gai klei bi kƀĭn.

VOV4.Êđê- Mđing thâo buh phŭn, mâo hdră kčah mtô bi hriăm phung kdlưn hĭn čiăng mđĭ kyar Đảng hlăm phung êdam êra mprăp mŭt kahan jing bruă yuôm bhăn mơ̆ng lu gưl bruă sang čư̆ êa dŭm alŭ wăl hlăm yan ruah kahan thŭn anei, kñăm bi hriăm phung kahan ƀuôn, mprăp kahan gak răng ti alŭ wăl. Kyua klei mđing dlăng anăn, mâo phung êdam êra ktưn hưn dưi dôk hlăm êpul đảng êlâo kơ hruê mŭt kahan thŭn anei, mjing boh kdrŭt kơ phung êdam êra duh myơr ai ktang hlăk ai kơ bruă răng mgang, mkŏ mjing čar kwar.

VOV4.Êđê-Tlam 28/2, Ti Anôk bruă knŭk kna, K’iăng khua knŭk kna Trần Lưu Quang gĭt gai leh Klei bi kƀĭn tal 1 Anôk gĭt gai bruă mkŏ dăp anôk bruă ngă hră m’ar gưl kdriêk, gưl să wưng thŭn 2023-2030. Tĭng leh hdră mkŏ dăp, srăng bi hrŏ 633 anôk bruă gưl kdriêk, să.

VOV4.Êđê- Hŏng 91 čô hđeh hriăm hriê mơ̆ng Lào lehanăn 14 čô hđeh hriăm hriê mơ̆ng Campuchia nao hlăm hdră thŭn 2023, dŭm gŏ êsei ti ƀuôn prŏng HCM dưi lŏ đru leh kơ phung hđeh hơĭt ai tiê dôk hriăm, mâo klei đru hlăm djăp mta.

VOV4.Êđê- Aguah mbruê (22/2), Phŭn bruă rŭ mdơ̆ng mkŏ mjing leh Klei bi kƀĭn pŏk hdră “Duh bi liê rŭ mkra ƀiă êdi 1 êklăk boh sang dôk hlăm yang ƀuôn kơ mnuih mâo hnư hrui wĭt ƀiă, mnuih mă bruă ti wăl tuh tia mkra mjing wưng 2021 - 2030” thŭn 2024. K’iăng khua knŭk kna Trần Hồng Hà nao lehanăn gĭt gai Klei bi kƀĭn.

VOV4.Êđê- Aguah mbruê 21/2, Êpul gru bi kal hrah Việt Nam mkŏ mjing klei bi tuôm bruă klei mrâo hưn kơ Mlan ngă bruă jăk thŭn 2024.