VOV4.Êđê - 5 čar Sơn La, Lai Châu, Điện Biên, Yên Bái leh anăn Lào Cai mơ̆ng krĭng Yŭ Dưr dưi thâo jing krĭng ƀun ƀin mơ̆ng lăn čar. Ti lu alŭ wăl, hnơ̆ng gŏ sang ƀun ăt adôk lu êdi, mâo êbeh 20% ênoh mnuih ƀuôn sang hlăm čar. Ciăng bi râo klei hmăng hmưi kpưn đĭ, mkŏ mjing boh kdrŭt kơ mnuih ƀuôn sang tlaih ƀun, mŭt lăm ênuk mrâo mơ̆ng lăn čar, dŭm thŭn giăm anei, dŭm alŭ wăl ti krĭng Yŭ Dưr hluê ngă lu hdră êlan klă klơ̆ng, mâo boh tŭ dưn.

VOV4.Êđê - Hdră “Yan mnga knông lăn hơuh mđao ai tiê mnuih ƀuôn sang” mrâo mâo Lĭng kahan knông lăn mkŏ mjing ti 2 kdriêk knông lăn 2 čar Gia Lai leh anăn Dak Lak. Bruă ngă anei amâo djŏ knŏng jing mnơ̆ng dhơ̆ng, đru kơ mnuih ƀuôn sang drông têt hơuh mđao hĭn ôh, ƀiădah lŏ jing klei mkŏ klei khăp lĭng kahan - mnuih ƀuôn sang, hyuă kjăp klei bi hgŭm êpul lĭng kahan Knông lăn leh anăn mnuih djuê ƀiă, mjing tur knơ̆ng kjăp kơ sa knông lăn êđăp ênang, trei mđao.

VOV4.Êđê - Hlăm gưl Tết nguyên đán Ất Tỵ anei, Êpul hgŭm gru bi kal hrah čả Dak Lak srăng iêô mkrum klei găl mđup brei ƀiă êdi 35.800 hnư mnơ̆ng đru kơ mnuih ƀun, phung mâo klei hdĭp dleh dlan mơak yan mnga, drông tết djăp ênŭm hĭn.

VOV4.Êđê- Êpul mă bruă mơ̆ng Phŭn bruă Kahan ksiêm mrâo mkŏ mjing hdră mkă dlăng, mbha êa drao amâo liê prăk lehanăn mđup brei mnơ̆ng Têt kơ mnuih ƀuôn sang ti dua să Êa Tiêu lehanăn Êa Ktur, kdriêk Čư̆ Kuiñ, čar Dak Lak.

VOV4.Êđê- Hlăm boh klei kdrăp mrô đĭ kyar ktang, internet jing anôk mă bruă, hlăp mbul amâo dưi kƀah ôh grăp hruê, ƀiădah mbĭt anăn mâo klei huĭ amâo êđăp ênang ƀrư̆ đĭ. Klei huĭ hyưt anei klă hĭn hŏng phung hđeh kyua lu phung hđeh ka mâo klei thâo ôh kơ klei huĭ hyưt ăt msĕ mơh klei gang mkhư̆ klei amâo myun. Kyua anăn, brei mâo hdră msir mtô kơ hđeh klei yua đĭng blŭ leh anăn internet bi djŏ.

VOV4.Êđê- Tết anei, Êpul hgŭm gru bi kal hrah čar Daklak ktưn čiăng mâo đru truh êbeh 65.000 čô mnuih ƀun, mnuih dôk hlăm klei dleh dlan, mnuih ênưih lĕ hlăm klei kpĕ êka.

VOV4.Êđê- Hlăm dŭm hruê êgao, êpul kahan djă phao ktuang bi hgŭm hŏng bruă sang čư̆ êa lehanăn anôk bruă djŏ tuôm mkŏ mjing lu hdră mđing dlăng Têt kơ mnuih ƀun ti Dak Lak.

VOV4.Êđê- Hlăm dŭm hrue êgao, ti alŭ wăl lăn dap kngư mâo leh lu bruă bi đru kơ mnuih ƀun prăp drông tết Nguyên đán Ất Tỵ.

VOV4.Êđê- Adŭ bruă Kƀĭn ala mrâo mkŏ mjing Klei bi kƀĭn ksiêm wĭt bruă knuă thŭn 2024, pŏk ngă bruă klam thŭn 2025. Nao leh anăn blŭ hrăm hlăm klei bi kƀĭn, Khua bruă kƀĭn ala Trần Thanh Mẫn gĭt gai lŏ dơ̆ng mlih mrâo hdră mă bruă, mđĭ êpul mă bruă dŭm anôk bruă mơ̆ng bruă kƀĭn ala, mjêč bi leh bruă mă khuăt mơ̆ng dŭm Knơ̆ng bruă mơ̆ng bruă kƀĭn ala, dŭm anôk bruă Dhar bruă kƀĭn ala, êpul bruă hlăm Adŭ bruă kƀĭn ala hlue si klei akâo mơ̆ng Gưl dlông.

VOV4.Êđê- Khua knŭk kna Phạm Minh Chính mrâo bi klă hdră mtrŭn mrô 1/CT-TTg hruê 3/1/2025 kơ bruă čŏng pô mâo dŭm hdră êlan mkăp djăp pui kmlă đru hlăm bruă mkra mjing mnia bmlei leh anăn klei hdĭp mnuih ƀuôn sang hlăm thŭn 2025 leh anăn wưng thŭn 2026 – 2030.