VOV4.Êđê- Aguah 25/1, ti Anôk kriê pioh ala čar Sang mnă Ƀuôn Ama Thuôt, Knơ̆ng bruă dhar kreh - mjuăt ktang asei mlei leh anăn hiu čhưn ênguê čar Dak Lak mkŏ mjing Knăm hdơr knga kơ phung lĭng kahan krŭ kdơ̆ng săn leh asei tinei.

VOV4.Êđê- Ti čar Kon Tum, bruă kriê dlăng Tết dôk mđing truh kơ krĭng taih kbưi, krĭng knông lăn leh anăn phung mâo klei hdĭp dleh dlan.

VOV4.Êđê- Hŏng hdră “Krĭng mnuih djuê ƀiă jing phŭn mơ̆ng dŭm hdră bi hrŏ ƀun, thŭn 2023 leh êgao, čar Gia Lai pŏk leh lu hdră brei čan mơ̆ng phŭn prăk đru kơ yang ƀuôn, dưi đru leh kơ dŭm êbâo gŏ sang mâo prăk duh kơ hdră duh mkra pla mjing, kpưn đĭ tlaih kơ ƀun.

VOV4.Êđê- Aguah mbruê 24/1, Êpul ngă bruă Knơ̆ng gĭt gai lĭng kahan krĭng 3 kahan êa mơ̆ng Khua knơ̆ng gĭt gai Nguyễn Đăng Tiến, khua hlăm êpul bruă Đảng- khua bruă kđi čar krĭng 3 kahan êa jing khua êpul mbĭt hŏng phung bi ala dŭm anôk bruă, alŭ wăl, knơ̆ng bruă mâo leh klei nao čuă, mđup brei hnư mnơ̆ng tết kơ phung knuă druh, lĭng kahan leh anăn mnuih ƀuôn sang dôk mă bruă, hdĭp mda ti kdriêk plao ksĭ Lý Sơn, čar Quảng Ngãi ƀri wưng yan mnga Giáp Thìn 2024.

VOV4.Êđê- Tlam mbrue (23/1) ti Anôk bruă knŭk kna, K’iăng khua knŭk kna Lê Minh Khái-Khua êpul bruă kiă kriê klei kơ ênoh ênil, kiă kriê leh klei bi kƀĭn kơ boh tŭ dưn kiă kriê ênoh ênil thŭn 2023 lehanăn tă hdră kơ thŭn 2024.

VOV4.Êđê- K’iăng khua knŭk kna Trần Lưu Quang bi ala kơ phung khua kiă kriê Đảng, knŭk kna mđup brei leh mnơ̆ng kơ mnuih mâo bruă tŭ dưn, mnuih knŭk kna dlăng ba, lehanăn mnuih ngă bruă ti ƀuôn prŏng Hải Phòng ƀri wưng Tết Nguyên đán Giáp Thìn 2024.

VOV4.Êđê- Hlăm klei dleh dlan kluôm mơ̆ng hdră duh mkra tar rŏng lăn lehanăn hlăm ala čar, phung thơ̆ng kơ bruă ăt tĭng dlăng hnơ̆ng đĭ kyar bruă duh mkra Việt Nam 2024 ăt jing gru mngač mơ̆ng hdră duh mkra tar rŏng lăn. Klei yuôm bhăn jing Việt Nam brei mlih mrâo dŭm boh kdrŭt mâo leh mbĭt anăn lŏ mđĭ lar dŭm boh kdrŭt đĭ kyar mrâo. Hluê anăn, lu hdră msir mâo phung thơ̆ng kơ bruă ba mdah, hlăm anăn mñă bruă klam mơ̆ng bruă mtrŭt mđĭ klei bhiăn, hdră mtrŭn lehanăn hluê ngă kjăp boh kdrŭt đĭ kyar mrâo.

VOV4.Êđê- Să Hra, kdriêk Mang Yang jing alŭ wăl phŭn mâo Klei đăo soh Hà Mòn mơ̆ng čar Gia Lai. Kyua mđing kơ hdră mkŏ mjing đảng, mđĭ hnơ̆ng thâo êpul knuă druh, đảng viên rơ̆ng klei kiă kriê kluôm ênŭm mơ̆ng đảng, lu thŭn hŏng anei, ƀuôn Hra rơ̆ng kjăp klei êđăp ênang, klei hdĭp, bruă duh mkra mơ̆ng mnuih ƀuôn sang ƀrư̆ hruê dưi mkra mđĭ.

VOV4.Êđê- Hŏng ai tiê pral, đua klam, Klei bi kƀĭn mjêč tal 5, Bruă kƀĭn ala gưl 15 tŭ jing jăk siam. Bruă kƀĭn ala bi mklă 2 hdră bhiăn leh anăn 2 Hdră mtrŭn, hlăm anăn mâo 2 Hdră bhiăn yuôm bhăn, jing Hdră bhiăn lăn ala (lŏ mlih mrâo) leh anăn Hdră bhiăn dŭm êpul bruă brei čan prăk (lŏ mlih mrâo). Dlăng kơ boh tŭ êdah êdi hlăm klei bi kƀĭn tal anei, pô čih klei mrâo mâo klei čih “Thâo răng, đua klam- mjing boh kdrŭt mrâo kơ klei đĭ kyar”.

VOV4.Êđê - Tlam mbruê 19/1, ƀri wưng drông yan mnga Giáp Thìn thŭn 2024, Phan Đình Trạc, Khua hlăm phŭn bruă kđi čar, Khua hlăm bruă Đảng gưl dlông, Khua êpul kiă kriê bruă knuă gưl dlông leh anăn êpul ngă bruă mơ̆ng gưl dlông nao čuă leh anăn mđup brei hnư mnơ̆ng tết ti čar Cà Mau.