Mơ̆ng anăn, 24.000 čô mnuih mă bruă dôk hlăm klei dleh dlan, mnuih tuôm hŏng klei truh êjai mă bruă, đa ruă duam, phung hmăi amâo mâo jăk mơ̆ng yan adiê ngă, mnuih amâo mâo bruă mă, mnuih luič mmông mă bruă, mnuih dôk hlăm hdră êlan knŭk kna đru… dưi đru sa čô 1 êklăk prăk/čô. 

Êpul hgŭm mnuih mă bruă ƀuôn prŏng Đà Nẵng lŏ nao čuă čhưn, mđĭ ai mnuih mă bruă amâo mâo wĭt ƀơ̆ng Tết, mnuih mă bruă dôk hjăn hlăm dŭm boh sang jưh dôk. Tết thŭn anei, Êpul hgŭm mnuih mă bruă ƀuôn prŏng Đà Nẵng mđup brei 3.000 pŏk hră đĭ êdeh treng, lehanăn mkŏ mjing êdeh nao atăt wĭt amâo mâo mă prăk ôh kơ mnuih mă bruă wĭt kơ ƀuôn sang pô ƀơ̆ng Tết. Ti “Sang mnia Tết Công đoàn – Yan mnga 2026”, Êpul hgŭm mnuih mă bruă ƀuôn prŏng srăng mđup brei 65.000 pŏk hră blei mnơ̆ng, hŏng ênoh jih jang êbeh 6,5 êklai prăk kơ mnuih mă bruă./.