Leh 18 hruê hŏng klei đru mơ̆ng dŭm êpul bruă, truh kơ ară anei Hdră Quang Trung dưi bi leh, leh anăn ba jai sang dôk kơ Nguyễn Thị Sáng (Alŭ Phú Thành, ƀuôn hgŭm Hàm Thắng).

Hlăm knăm ba yua, bi ala Êpul mkŏ mjing jao leh mdhă ba yua sang dôk kơ pô sang, mbĭt hŏng anăn, lu anôk bruă lŏ mđup brei mnơ̆ng yua kơ gŏ sang. Čar Lâm Đồng jing sa hlăm dŭm alŭ wăl hmăi kjham mơ̆ng klei êa lip, lu gŏ sang luč pưk sang, klei hdĭp dleh dlan. Ti gŭ klei gĭt gai mơ̆ng Khua phŭn bruă kahan ksiêm, kahan ksiêm dưi pral tiŏ nao, bi mguôp hŏng alŭ wăl đru mgaih msir boh jhat. Hlăm wưng kơ anăp, kahan ksiêm čar srăng lŏ tiŏ nao êpul bruă čiăng bi leh dŭm boh sang hlăm alŭ wăl, gĭr bi leh êlâo kơ hruê 15/1.