VOV4.Êđê- Ti klei bi kƀĭn trông kreh knhâo ala čar “Klei tŭ dưi yan mnga thŭn 1975 hŏng ênuk gưl kpưn đĭ kyar mrâo mơ̆ng djuê ana Việt Nam” mrâo mkŏ mjing ti Ƀuôn prŏng Hồ Chí Minh, dŭm klei blŭ mñă klă leh bruă đua klam bi mklă mơ̆ng mnuih ƀuôn sang, mơ̆ng hdră jih jang mnuih ƀuôn sang răng mgang klei êđăp ênang, ai tiê hgŭm mguôp lĭng kahan – mnuih ƀuôn sang mjing leh hdră tŭ dưi hƀuê ênuk. Dŭm boh tŭ yuôm lehanăn klei hriăm anei dưi mđĭ lar hlăm wưng ară anei – leh ala čar mŭt hlăm ênuk gưl mlih mrâo kluôm dhuôm, đĭ kyar pral lehanăn hơĭt kjăp.

VOV4.Êđê- Ƀri wưng bi hdơr 50 thŭn hruê mtlaih êngiê Kwar Dhŭng, hluh hlir lăn čar, aguah mbruê 20/4, Khua gĭt gai Đảng Tô Lâm bi tuôm hŏng phung knuă druh cách mạng, phung mâo bruă tŭ dưn, gŏ sang knŭk kna dlăng ba êdah êdi alŭ wăl kwar Dhŭng.

VOV4.Êđê - Hlăm dŭm hrue anei, čar Kon Tum dôk ngă bi pral bruă rŭ mdơ̆ng sang dôk kơ mnuih ƀuôn sang hŏng phung dôk hlăm sang tĭ rưč.

VOV4.Êđê - Mprăp kơ Klei bi kƀĭn tal 9, Anôk bruă kƀĭn ala gưl XV, hruê kăm êgao, Phan Đình Trạc, Khua hlăm Phŭn bruă kđi čar, Khua Anôk bruă ngă hră mơar gưl dlông mbĭt hŏng Êpul bi ala Anôk bruă kƀĭn ala čar Lâm Đồng bi tuôm hŏng mnuih ƀuôn sang ti să Bình Thạnh, kdriêk Đức Trọng. Sa ai hŏng hdră êlan bi mŭt čar, mnuih ƀuôn sang lŏ mơĭt lu klei čang hmăng kơ klei thâo mơ̆ng phung knuă druh leh bi mŭt mbĭt, boh tŭ dưn hlăm klei hluê ngă bruă, ăt msĕ mơh hdră rơ̆ng kjăp klei ngă phŭn mil pô, giăm mnuih ƀuôn sang, siă suôr hŏng mnuih ƀuôn sang.

VOV4.Êđê- Tlam 18/4, Êpul mă bruă mơ̆ng Êpul gơ̆ng bruă djuê ana mơ̆ng Bruă kƀĭn ala mâo leh mmông mă bruă hŏng Knơ̆ng bruă sang čư̆ êa čar Dak Lak kơ klei pŏk ngă Hdră kñăm ala čar mđĭ kyar bruă duh mkra - ala ƀuôn krĭng mnuih djuê ƀiă leh anăn krĭng čư̆ čhiăng, wưng 2021–2030.

VOV4.Êđê- Truh kơ ară anei, kluôm čar knŏng mrâo mdơ̆ng lehanăn mkra mđĭ 2.400 boh sang, knŏng mâo êbeh 40% hdră kčah mtrŭn.

VOV4.Êđê- Knơ̆ng bruă sang čư̆ êa čar Gia Lai mrâo mkŏ mjing Knăm bi hdơr 60 thŭn hruê knhuah gru lĭng kahan răng mgang knông lăn čar leh anăn mă medai Răng mgang čar kwar mrô dua kyua Khua lăn čar mđup brei. Anei jing klei kđi čar yuôm bhăn, kñăm mpŭ kơ klei đru mguôp prŏng prĭn mơ̆ng êpul kahan răng mgang knông lăn čar Gia Lai hlăm bruă krŭ kdơ̆ng mkŏ mjing leh anăn răng mgang čar kwar hlăm 6 pluh thŭn êgao.

VOV4.Êđê- Yap truh hruê 16/4, čar Gia Lai rŭ mdơ̆ng leh mrâo leh anăn mkra mđĭ 5620 boh sang kơ gŏ êsei ƀun, mâo êbeh 66% hdră kčah.

VOV4.Êđê-Êlâo kơ klei bi kƀĭn tal 9, Bruă kƀĭn ala gưl XV, phung bi ala dŭm čar Lăn Dap Kngư bi êdah klei mđing êlam snăk kơ dŭm bruă prŏng mơ̆ng lăn čar, hlăm anăn êdah êdi jing bruă dăp êpul mă bruă knŭk kna khuăt, tŭ dưn leh anăn hdră êlan yua kdrăp mrâo kreh knhâo hlue si Hdră mtrŭn yuôm bhăn mơ̆ng Gưl dlông.

VOV4.Êđê - Mơ̆ng dŭm thŭn mlan kdơ̆ng mblah dleh dlan, suaĭ knap truh kơ ênuk êđăp ênang hruê anei, pŏk rup phung kahan Awa Hô ăt jing sa klei bi êdah yuôm bhăn, mâo nanao hlăm ai tiê grăp čô mnuih ƀuôn sang Việt Nam. Mđing truh knăm bi hdơr 50 thŭn hruê mtlaih êngiê kwar Dhŭng, mrâo êgao, hlăm kluôm ala čar mkŏ mjing leh lu hdră kdŏ mmuñ jăk siam. Mơ̆ng anăn bi êdah klei lač jăk hŏng phung kahan đưm êlâo.