Gưl 2 anei, kahan alŭ wăl 5 mâo mđup brei 435 boh sang mrâo, leh jao  175 boh sang hlăk mlan 1, snăn “hdră êlan Quang Trung”, mâo tŭ mă leh klei tŭ dưn kkuh mơak klei bi kƀĭn prŏng Đảng 14. 

Bi leh jih jang ênŭm 610 boh sang mrâo, lehanăn 314 boh sang lŏ mkra wĭt, Kahan alŭ wăl 5 bi ruĕ “hdră êlan Quang Trung” hlăm klei mơak mơ̆ng mnuih ƀuôn sang krĭng êa lip, bi êdah leh gru kruak knăl yuôm bhăn mơ̆ng “Lĭng kahan Awa Hô”, phung lĭng kahan găn leh lu klei dleh dlan, jih ai tiê rŭ mdơ̆ng pưk sang, mă bruă hrue lehanăn mlam hŏng ai tiê klei khăp prŏng. Mâo leh dŭm boh sang msĕ si ară anei, anăn jing klei bi êdah ai tiê, klei khăp lĭng kahan hŏng mnuih ƀuôn sang êjai găn klei dleh dlan./.