VOV4.Êđê - Leh 10 thŭn hluê ngă asăp mtrŭn mrô 40 mơ̆ng Êpul khua bruă Đảng kơ bruă mđĭ gĭt klei gĭt gai mơ̆ng Đảng hlăm hdră êlan ngăn prăk, jih jang ênoh brei čan anei ti čar Gia Lai yap truh mlan 6/2024 mâo leh êbeh 7.200 êklai prăk, êbeh 156.500 gŏ sang ƀun, giăm ƀun leh anăn phung knŭk kna dlăng ba dưi lĭng čan čiăng ngă bruă, klei hdĭp mnuih ƀuôn sang dưi mđĭ hĭn klă sĭt. Êngao kơnăn, ênoh prăk anei ăt đru kơ čar Gia Lai ngă dŭm hdră êlan phŭn hlăm alŭ wăl.

VOV4.Êđê - Cao Bằng jing čar čư̆ čhiăng mâo êlan knông lăn dlông, lăn ala dleh dlan hŏng klei čhĭ mnia soh hŏng hdră bhiăn dleh ktuê dlăng. Êngao anăn, ti đa đa krĭng mnuih ƀuôn sang hdĭp mda adôk dleh dlan, kƀah klei thâo săng… anei jing klei găl kơ phung ngă soh čhĭ mnuih ngă bruă. Pŏk ngă Hdră bruă mrô 8, Êpul hgŭm phung mniê čar Cao Bằng mđing mkŏ mjing gru hmô hâo hưn mtô mblang, gang mkhư̆ čhĭ mnuih leh anăn mâo klei tŭ jăk.

VOV4.Êđê - Hlăm boh klei kdrăp mrâo hâo hưn ƀrư̆ jing bruă klam yuôm bhăn hlăm djăp mta bruă hlăm klei hdĭp mda ala ƀuôn, sa boh adŭ mtô tin học amâo mă pră dưi pŏk ti ƀuôn prŏng Pleiku, čar Gia Lai, dôk ba lu klei găl ba yua klei thâo mrô kơ mnuih ƀuôn sang. Anăn jing Adŭ “Tin học yua aguah tlam amâo mă prăk” kyua Anôk bruă mtô bi hriăm êpul êya ƀuôn hgŭm Chi Lăng, ƀuôn prŏng Pleiku bi hgŭm hŏng Sang hră gưl 2 Chi Lăng mkŏ mjing.

VOV4.Êđê- Hluê ngă asăp mtrŭn mrô 35, hruê 14/6/2024 mơ̆ng Phŭn bruă kđi čar kơ Klei kƀĭn kluôm bruă Đảng dŭm gưl, anăp truh kơ Klei kƀĭn phung bi ala kluôm ala tal 14 mơ̆ng Đảng, bruă Đảng kdriêk Knông lăn Sa Thầy mâo bruă Đảng čar Kon Tum ruah mkŏ mjing klei kƀĭn gưl kdriêk wưng thŭn 2025 – 2030. Bi klă anei jing bruă klam kđi čar yuôm bhăn, Bruă Đảng kdriêk Sa Thầy čŏng pô hŏng ai tiê mprăk jăk hĭn kơ klei kƀĭn

VOV4.Êđê- Mrâo êgao, Khua hlăm Phŭn bruă kđi čar, Khua hlăm bruă Đảng gưl dlông, Khua Anôk bruă kriê dlăng bruă knuă gưl dlông Phan Đình Trạc hŏng Êpul bi ala bruă kƀĭn ala čar Lâm Đồng bi tuôm hŏng phung bi ala kơ dŭm alŭ wăl hlăm čar. Phung bi ala lač leh, akâo kơ lu bruă yuôm bhăn, msĕ si boh klei bi mmiă lăn ala sui plah wah mnuih ƀuôn sang hŏng dŭm anôk bruă lŏ hma dliê kmrơ̆ng, anôk bruă duh mkra, klei dưi dưn hdră êlan hŏng êpul thơ̆ng kơ bruă răng mgang dliê.

VOV4.Êđê- Kdriêk Tu Mơ Rông, čar Kon Tum mâo êbeh 58 êbâo ha dliê, hnơ̆ng luôm dliê mâo giăm 68%. 4 thŭn êgao, hŏng bruă kriê dlăng răng mgang jăk dliê ară anei mâo, mơ̆ng lu klei găl leh anăn hgŭm jăk mơ̆ng mnuih ƀuôn sang, kdriêk Tu Mơ Rông pla leh mrâo êbeh 2000 ha dliê leh anăn êbeh 1.200 êklăk ana kyâo bi êyui, Luôm mtah lăn hŏng, duôr čư̆ kla dưi bi mklă jing tur yuôm bhăn čiăng mđĭ kyar bruă duh mkra dliê, mjing hdră duh ƀơ̆ng hơĭt kjăp kơ dŭm pluh êbâo čô mnuih djuê ƀiă Sêdang, hlăk mâo truh 95% ênoh mnuih ƀuôn sang mơ̆ng kdriêk.

VOV4.Êđê – Čar Kon Tum mrâo mkăp êbeh 1.145 ton braih, đru kơ 15.300 čô hđeh dưi dưn hdră đru hluê Hdră mtrŭn mơ̆ng Knŭk kna đru kơ phung hđeh lehanăn dŭm sang hră ti să, alŭ dleh dlan.

VOV4.Êđê - Mrâo anei, ti anôk bi kƀĭn Diên Hồng, sang Bruă Kƀĭn Ala mkŏ mjing leh gưl ksiêm êmuh leh anăn wĭt lač klei êmuh hlăm klei kƀĭn ngă mgưt “Bruă Kƀĭn Ala phung hđeh” gưl tal 2 thŭn 2024. Khua bruă kƀĭn ala Trần Thanh Mẫn nao hgŭm hlăm klei kƀĭn ngă mgưt. Êbeh 300 čô bi ala Bruă Kƀĭn Ala phung hđeh mơ̆ng 63 čar, ƀuôn prŏng nao hlăm klei kƀĭn, bi êdah leh klei hmăng hmưi, klei čiăng mơ̆ng phung bi ala hđeh hŏng 2 boh klei “gang mkhư̆ klei bi čăm biêng hlăm sang hră mơar leh anăn gang mkhư̆ klei jŭ jhat mơ̆ng hăt djŭp, mta kích thích, boh nik hlăm sang hră mơar”.

VOV4.Êđê- Hlăm wưng êgao, VOV Lăn Dap Kngư hưn mdah leh dŭm klei kpăk gŭn, êdu kƀah mơ̆ng dŭm êtuh gŏ sang să Trà Vinh, čar Quảng Nam dôk hdĭp ti să Đăk Nên, čar Kon Tum. Boh sĭt anei mâo leh dŭm pluh thŭn ngă kơ bruă sang čư̆ êa dua čar Kon Tum leh anăn Quảng Nam tuôm hŏng klei dleh dlan hlăm bruă kiă kriê. Ƀiădah boh klei prŏng hĭn jing 235 gŏ êsei, giăm 1.100 čô mnuih ƀuôn sang amâo mâo dưi dưn dŭm boh tŭ dưn kơ pô, kyua lu hdră duh bi liê mơ̆ng knŭk kna kơ krĭng dleh dlan amâo mâo dưi ngă.

VOV4.Êđê- Dŭm thŭn êgao, bi hrŏ ƀun hŏng klei kjăp jing sa hlăm dŭm bruă klam phŭn mơ̆ng ƀuôn prŏng Pleiku, čar Gia Lai.