VOV4.Êđê - Hruê kăm êgao, lŏ dơ̆ng hdră klei bi kƀĭn tal 6 Bruă kƀĭn ala gưl 15, phung bi ala bi trông kơ boh tŭ drông mnuih ƀuôn sang, msir mgaih hră mơar leh anăn klei kčŭt hưn mơ̆ng mnuih ƀuôn sang. Phung bi ala Bruă kƀĭn ala mtă, Knŭk kna ktuê dlăng, bi mklă mta phŭn čiăng mâo hdră mgaih bi jih klei kčŭt hưn adôk dleh dlan, sui thŭn mlan.

VOV4.Êđê- Hluê ngă Hdră bi ktưn: “Kyua mnuih ƀun – Amâo lui hlei dôk ti tluôn”, hlăm dŭm thŭn êgao, Anôk bruă Mặt trận čar Dak Lak pŏk leh lu bruă kñăm đru kơ mnuih ƀun kpưn đĭ h’ĭt kjăp hlăm klei hdĭp, hlăm anăn mâo hdră đru rŭ mdơ̆ng Sang hgŭm mguôp. Lu boh sang mrâo prŏng siam dưi bi hrô hŏng sang hđăp tĭ ƀrôč, đru leh kơ mnuih ƀun ƀuh h’uh mđao hĭn hlăm klei khăp mơ̆ng êpul êya yang ƀuôn.

VOV4.Êđê- Tơdah mâo klei ngă jhat hlăm gŏ sang diih, ñu srăng jing anôk êka amâo thâo hlao, bi luč klei jăk mơak hlăm gŏ sang… Snăn tơdah tuôm hŏng klei ngă jhat hlăm gŏ sang, si drei srăng ngă čiăng dưi răng mgang mơ̆ng klei ngă jhat hlăm gŏ sang? Phung thâo klei ngă jhat dôk mâo hdră bhiăn răng mgang mơh tơdah kčŭt hưn? Ti anôk bruă hmư̆ klei kčŭt hưn? Nai prĭn - pô mgang kđi Đỗ Đăng Khoa, Êpul phung mgang kđi kdriêk čar 7, ƀuôn prŏng Hồ Chí Minh srăng wĭt lač klei êmuh anei.

VOV4.Êđê- Hlăm dŭm thŭn giăm anei, bruă kđi čar dŭm gưl pioh lu klei mĭn kơ hdră čuăl mkă, mtô bi hriăm, hriăm mbŏ, ruah knuă druh krĭng mnuih djuê ƀiă; mâo lu hdră mđing hŏng knuă druh mniê mnuih djuê ƀiă. Khădah snăn, bruă knuă druh mniê, knuă druh mnuih djuê ƀiă ară anei ăt ka dưi ngă djŏ klei čiăng. Brei mâo hdră bruă leh anăn hdră msir êdah êdi, boh nik hlăm bruă hŏng tač êngao, ñŭ kma lu ala čar.

VOV4.Êđê- Hlăm dua hruê 21 lehanăn 22/11, ti Hải Phòng, Phŭn bruă Sang hră m’ar mtô bi hriăm mkŏ mjing Klei bi kƀĭn trông kơ Boh klei lehanăn Hdră msir mđi hnơ̆ng tŭ bruă lăm lui klei amâo thâo hră kơ mnuih ƀuôn sang djuê ƀiă.

VOV4.Êđê- Aguah mbrue Êpul kiă kriê mrô 515 mơ̆ng čar Gialai mkŏ mjing leh klei trŭn kơ bruă nao tui duah klang kahan djiê êngiă ti Campuchia.

VOV4.Êđê- Khua mduôn, mnuih mâo kơhưm jing mnuih mâo klei blŭ, mâo klei hmău yuôm bhăn hlăm êpul êya mnuih ƀuôn sang djuê ana ƀiă. Ti kdriêk Čư̆ Mgar, čar Dak lak mâo lu phung khua mduôn, mnuih mâo kơhưm jing đảng viên hŏng lu thŭn Đảng. Amâo djŏ knŏng jing kdrông mkŏ mtô mblang kơ hdră mtrŭn mơ̆ng Đảng, hdră bhiăn knŭk kna ƀiădah diñu lŏ jing gru mngač kơ ai tiê thâo hgŭm mguôp êpul êya.

VOV4.Êđê- Tlam mbrue (19/11), ti Hà Nội, Phŭn bruă sang hră mơar, bruă Công đoàn mjuăt bi hriăm Việt Nam mkŏ mjing leh knăm mpŭ mni kơ phung nai mtô, knuă druh ngă bruă kdlưn hĭn thŭn 2023.

VOV4.Êđê - Lŏ dơ̆ng Klei bi kƀĭn tal 6, hruê kăm êgao, Dhar bruă gĭt gai Anôk bruă kƀĭn ala brei leh klei blŭ kơ klei čih mkra Hdră mtrŭn ksiêm dlăng kơ bruă “ Pŏk hluê ngă dŭm hdră mtrŭn mơ̆ng Anôk bruă kƀĭn ala kơ Hdră bruă ala čar kñăm mkŏ mkra krĭng ƀuôn sang mrâo wưng thŭn 2021-2025, bi hrŏ ƀun h’ĭt kjăp wưng thŭn 2021-2025, mđĭ kyar bruă duh mkra ala ƀuôn krĭng mnuih djuê ƀiă lehanăn krĭng čư̆ čhiăng wưng thŭn 2021-2030". Dhar bruă gĭt gai Anôk bruă kƀĭn ala brei mđing ruh mtlaih klei dleh dlan kơ phŭn mkăp prăk kơ 3 Hdră bruă ala čar kñăm.

VOV4.Êđê - Aguah mbruê (17/11), Êpul hgŭm mnuih lŏ hma Dak Lak mkŏ mjing Knăm hưn mthâo sang mnia čhĭ mnơ̆ng lŏ hma Dak Lak hluê êlan online ti wăl anôk mnia mblei điện tử chonongsandaklak.vn.