VOV4.Êđê- Hlue ngă hdră kñăm ala čar mtăp mđơr êkei mniê leh anăn msir mgaih klei mjêč hŏng phung mniê leh anăn hđeh điêt, ti dŭm čar Lăn Dap Kngư, mâo dŭm êtuh êpul hgŭm bruă “Khua gĭt gai mơ̆ng klei bi mlih” dưi mkŏ mjing. Dŭm êpul hgŭm anei đru mđĭ klei thâo săng mơ̆ng êpul êya, ala ƀuôn kơ klei mtăp mđơr êkei mniê:

VOV4.Êđê- Hruê mbruê (14/11), Keh gang mkhư̆ klei djiê êka Asi (AIP) leh anăn Anôk dlăng răng mgang klei êđăp ênang hlăm êlan klông čar Gia Lai leh anăn dŭm ƀĭng hgŭm, pŏk ngă hdră bruă “Nao sang hră êđăp ênang” thŭn hriăm 2023-2024 ti sang hră gưl sa Hà Bầu, să Hà Bầu, kdriêk Đak Đoa.

VOV4.Êđê- Êpul knuă druh mniê, phung khua kiă kriê mniê dŭm gưl amâo mdei gĭr ktưn, pral kơ bruă, đru mguôp hlăm hdră mkŏ mkra Đảng, anôk bruă kđi čar, mđĭ kyar bruă duh mkra – ala ƀuôn. Knuă druh mniê lŏ đru đua klam mbĭt hŏng phung khua alŭ wăl hgao klei dleh dlan, klei lông dlăng. Dŭm knhuah jăk anei brei dưi mđĭ lar hĭn, boh nik hlăm Êpul bruă mniê ti krĭng mnuih djuê ƀiă.

VOV4.Êđê-Bruă ngă êdah êdi mơ̆ng gưl 1 klei bi kƀĭn tal 6 bruă kƀĭn ala gưl 15 jing bruă êmuh leh anăn wĭt lač hŏng 2 hruê mkrah mkŏ mjing jăk, kdrưh kơăm leh anăn mâo klei đua klam. Lu phung bi ala bi mni, bruă mlih mrâo êmuh lu jơr, lu bruă, klei wĭt lač mơ̆ng Phung khua phŭn bruă, khua dhar bruă leh anăn phung K’iăng Khua knŭk kna klă mngač, djŏ kơ bruă phung bi ala lač hŏng ai tiê đua klam, mâo klei kruăk knăl yuôm bhăn hlăm bruă ngă mơ̆ng Bruă kƀĭn ala, ăt msĕ mơh ngă djŏ klei čiăng phung bi ala kơ mnuih ƀuôn sang, yang ƀuôn.

VOV4.Êđê-Wăt tơdah bruă hiu hưn mtô mblang Hdră bhiăn êlan klông truh hŏng mnuih ƀuôn sang krĭng mnuih djuê ƀiă, čư̆ čhiăng mâo dŭm êpul bruă djŏ tuôm mơ̆ng čar Khánh Hòa ngă jăk, ƀiădah boh klei ngă soh mơ̆ng mnuih ƀuôn sang tinei ăt mâo lu klei huĭ hyưt luč êđăp ênang hlăm êlan klông.

VOV4.Êđê - Aguah mbruê 10/11, Anôk bruă sang čư̆ êa čar Dak Lak mkŏ mjing leh Klei kƀĭn bi blŭ hrăm hŏng phung êdam êra ti alŭ wăl čar hŏng akŏ “Phung êdam êra čar Dak Lạk hŏng hdră mlih mrô, mđĭ kyar bruă duh mkra mrô”.

VOV4.Êđê - Sang anei mâo ênoh êbeh 150 êklăk prăk, hlăm anăn mâo êbeh 80 êklăk prăk mâp dŭm knơ̆ng bruă bi mkrum mguôp, dŭm adôk jing mơ̆ng gŏ sang

VOV4.Êđê - Bi mklă klei bi čăm biêng hlăm gŏ sang jing mta phŭn ngă truh klei ruă êka kjham wăt hlăm asei mlei lehanăn ai tiê klei mĭn kơ mnuih hlăm gŏ sang, hlăm wưng êgao, Êpul bruă mniê să An Bình, kdriêk Châu Thành, čar Tây Ninh mđing pŏk ngă lu hdră bruă, hdră kčah kñăm hluê ngă tŭ dưn hdră bhiăn gang mkhư̆ klei bi čăm biêng hlăm gŏ sang hluê bruă klam mơ̆ng dŭm êpul, êpul bruă mniê mâo leh lu gru hmô klă sĭt kñăm gang mkhư̆ klei anei, đru mguôp mkŏ mkra gŏ sang trei mđao, yâo m’ak.

VOV4.Êđê - Mpŭ, bi đru, khăp čiăng lehanăn răng mgang klei suaih pral, klei dưi mơ̆ng phung mniê lehanăn phung hđeh mniê, mjing klei găl čiăng kơ phung mniê dưi hriăm, mă bruă, nao hgŭm hlăm hdră đru kơ yang ƀuôn… Jing bruă ngă čiăng êdi kñăm hluê ngă klei bi mtăp mđơr hlăm gŏ sang. Hlăm wưng êgao, kyua hluê ngă jăk hdră mtô mblang mơ̆ng dŭm gưl bruă, alŭ wăl, klei thâo săng mơ̆ng mnuih ƀuôn sang, boh nik mnuih djuê ƀiă ti čar Thái Nguyên kơ klei mtăp mđơr êkei mniê, mâo leh lu klei bi mlih jăk siam.

VOV4.Êđê - Ti čar Bình Thuận, mâo lu mnuih ƀuôn sang djuê ƀiă msĕ si Čam, K’ho… hluê klei bhiăn mă djuê tĭng kơ amĭ. Phung mniê mâo bruă klam yuôm bhăn, mâo klei hmăi truh kơ klei hdĭp ngă bruă duh mkra hlăm gŏ sang lehanăn mjuăt mgô anak aneh. Klei anei đru kơ phung mniê mnuih djuê ƀiă dưi mâo klei bi mklă mơ̆ng klei huă mnăm, čŭt h’ô truh kơ klei hriăm hră mơ̆ng anak čô, krơ̆ng kjăp klei h’ĭt ênang hlăm gŏ sang. Ară anei, lu alŭ wăl hlăm kluôm čar Bình Thuận hlăk lehanăn dôk pŏk ngă mđrăm mbĭt Hdră: Mtăp mđơr êkei mniê lehanăn msir mghaih dŭm bruă djŏ tuôm kơ phung mniê lehanăn phung hđeh” kñăm mtrŭt mđĭ hdră dlăng kriê phung mniê lehanăn phung hđeh, jao klei dưi kơ digơ̆ kpưn đĭ.