Anei jing klei čiăng mơ̆ng khua gĭt gai čar Dak Lak hlăm Klei bi trông bi hdơr 70 thŭn hruê knhuah gru kriê dlăng knŭk kna kơ klei đăo kyua Knơ̆ng bruă djuê ana leh anăn klei đăo čar Dak Lak mkŏ mjing. Čar Dak Lak ară anei mâo êbeh 3,3 êklăk čô mnuih ƀuôn sang, hlăm  anăn mâo êbeh 720.000 hlue đăo hŏng giăm 4000 čô dlăng bruă klei đăo; êbeh 270.000 čô jing mnuih djuê ƀiă. Kluôm čar mâo êbeh 700 anôk bruă klei đăo; 1.300 anôk bruă klei đăo leh anăn anôk bi kƀĭn.

Bi mklă klei đăo jing klei čiăng mơ̆ng mnuih ƀuôn sang, dôk ngă leh anăn srăng mâo hŏng djuê ana, Nguyễn Thiên Văn, K’iăng Khua Knơ̆ng bruă sang čư̆ êa čar Dak Lak akâo kơ Knơ̆ng bruă djuê ana leh anăn klei đăo lŏ dơ̆ng ngă jăk klei đru kčĕ kơ gưl bruă Đảng, bruă Sang čư̆ êa dŭm gưl hlăm bruă gĭt gai hlue ngă hdră êlan klei đăo mơ̆ng Đảng leh anăn Knŭk kna, boh nik Klei bhiăn klei đăo; mkra mđĭ leh anăn mđing hriăm mbŏ êpul ngă bruă klei đăo, msir mgaih bi jăk bruă klei đăo, djuê ana mơ̆ng anôk bruă nah gŭ.