VOV4.Êđê- Hluê ngă Hdră kñăm ala čar mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng wưng 1, mơ̆ng thŭn 2021 – 2025, čar Kon Tum gĭr jih jang gŏ sang ƀun mâo sơaĭ lăn dôk lehanăn lăn pla mjing.

VOV4.Êđê- Thŭn hriăm mphŭn kčưm leh, ƀiădah boh klei phung hđeh sang hră krĭng dleh dlan, krĭng mnuih djuê ƀiă nao ti adŭ hriăm amâo ênŭm ôh jing klei rŭng răng kơ phung ngă bruă mtô bi hriăm ti Dak Lak. Dŭm hruuê anei, knuă druh, nai mtô ti dŭm sang hră êngao kơ mprăp klei mtô lŏ nao ti grăp boh sang, iêô jak grăp čô amĭ ama, hđeh sang hră hŏng klei čang hmăng phungg hđeh nao sang hră djăp ênŭm. Hŏng klei gĭr “Amâo brei ôh kyua klei dleh dlan hđeh sang hră kbiă sang hră”, bruă Sang hră mtô bi hriăm čar Dak Lak mkŏ mjing lu bruă kriê dlăng kơ phung hđeh êlâo kơ thŭn hriăm mrâo.

VOV4.Êđê- Dŭm hdră êlan đru kơ phung hđeh sang hră krĭng taih kbưi, krĭng mnuih djuê ƀiă hluê si hdră mtrŭn mrô 116 thŭn 2016 leh anăn hdră mtrŭn mrô 81 thŭn 2021 mơ̆ng knŭk kna dôk bi lar boh tŭ dưn ti čar Dak Nông.

VOV4.Êđê - Sa hlăm dŭm klei mâo phung bi ala kơ mnuih ƀuôn sang leh anăn mnuih ƀuôn sang kluôm ala mđing hĭn jing hlăm hruê kăm êgao Bruă kƀĭn ala mkŏ mjing leh Klei bi kƀĭn mjêč tal 8, čiăng ksiêm dlăng kơ phung mă bruă gưl dlông. Ti gŭ klei gĭt gai mơ̆ng Khua bruă kƀĭn ala Trần Thanh Mẫn, Bruă kƀĭn ala ngă leh klei bi mklă ruah mdưm 3 čô K’iăng Khua knŭk kna, Khua phŭn bruă ngăn dŏ leh anăn wăl hdĭp mda; Khua phŭn bruă čih mkra hdră bhiăn; ruah Khua sang phat kđi yang ƀuôn gưl dlông leh anăn Khua Sang ksiêm dlăng kđi klei yang ƀuôn gưl dlông wưng 2021-2026.

VOV4.Êđê- Êlâo kơ mŭt hlăm thŭn hriăm mrâo, Êpul hgŭm kahan hđăp dŭm gưl čar daklak mđup brei leh hdruôm hră čih kơ hđeh hriăm hră gưl sa ƀun ƀin hlăm kluôm čar.

VOV4.Êđê- Hruê kăm êgao, hlăm klei kƀĭn tal 36, Dhar bruă gĭt gai Bruă Kƀĭn ala ngă klei êmuh leh anăn wĭt lač klei êmuh bruă hluê ngă dŭm hdră mtrŭn mơ̆ng Dhar bruă gĭt gai Bruă Kƀĭn ala kơ bruă ktuê dlăng. Phung bi ala uêñ mĭn kơ dŭm boh klei nao mbĭt hŏng klei hdĭp msĕ si ênoh pui kmlă, pui kmlă doh, bi hơĭt ênoh êa săng êa pui, ênoh boh mnga bruă lŏ hma, klei êmô ruă tian leh anăn djiê leh tlŏ vaccine.

VOV4.Êđê- Leh 10 thŭn hluê ngă Asăp mtrŭn mơ̆ng Anôk dlăng bruă Đảng kơ “Hdră mđĭ hĭn klei kiă kriê mơ̆ng Đảng hŏng hdră mtrŭn brei čan prăk đru kơ yang ƀuôn” pia klah čŭn Asăp mtrŭn 40, dŭm êtuh êbâo čô dleh dlan ti Gia Lai đru kpưn đĭ tlaih leh kơ ƀun.

VOV4.Êđê- Hruê kăm êgao, Dhar bruă kƀĭn ala mkŏ mjing klei bi kƀĭn kơ hdră bhiăn mlan 8. Hlăm klei bi kƀĭn anei, Dhar bruă kƀĭn ala mâo leh lu klei blŭ djŏ hŏng boh sĭt, mâo phung bi ala kơ mnuih ƀuôn sang mđing dlăng, anăn jing bruă gang mkhư̆ truih mdjiê klei pui ƀơ̆ng, klei bi mlih prăk jia hƀâo pruê mơ̆ng 0% jing 5% hmăi kơ ƀĭng lŏ hma.

VOV4.Êđê - Ti anăp thŭn hriăm mrâo, tlam 13/8, Lĭng kahan răng mgang knông lăn čar Dak Nông mkŏ mjing Knăm bi mni 39 čô hđeh êdah êdi hlăm dŭm hdră đru kơ phung hđeh krĭng knông lăn hlăm ala čar lehanăn ala čar Campuchia.

VOV4.Êđê - Hlăm wưng êgao, boh sĭt klei êđăp ênang hlăm êlan klông ti dŭm alŭ wăl sang hră ti čar Yên Bái dưi bi hơĭt, khădah adôk mâo lu klei arưp aram hgăm kơ klei trul tơl hlăm êlan klông. Hluê anăn dŭm alŭ wăl leh anăn sang hră mơar bi mguôp hŏng dŭm kahan ksiêm hluê ngă lu hdră êlan, hlăm anăn mâo mkŏ mjing klei bi hmô Êpul čŏng kiă kriê klei êđăp ênang ti ƀăng jang sang hră.