Dôk ti ktuê êlan hiu čhưn ênguê êa ksĭ Phan Thiết – Mũi Né – Bàu Trắng – Cổ Thạch, gơ̆ng Pô Sah Inư ti čŏng čư̆ Bà Nái (ƀuôn hgŭm Phú Thủy, čar Lâm Đồng, - hlăm čar Bình Thuận êlâo dih) dôk iêo jak lu phung tuê nao čuă dlăng hlăm wưng anei. Kah knar grăp hruê mâo mơ̆ng 900 – 1.200 gưl čô tuê hlăm leh anăn êngao lăn čar. Mơ̆ng akŏ thŭn truh kơ ară anei, mâo leh giăm 75.000 gưl čô nao čuă dlăng gơ̆ng Pô Sah Inư, čar Lâm Đồng.

Čiăng mđĭ hĭn klei jăk siam, Êpul kriê dlăng wăl kriê pioh bi mguôp hŏng êpul kdŏ mmuñ knhuah gru mnuih Čăm rang mdah klei pĕ tông, kdŏ mmuñ knhuah gru kơ phung tuê dlăng. Bi mguôp plah wah wăl êđăp, knhuah rŭ mdơ̆ng mđưm leh anăn ênhiang mmuñ djuê ana mkŏ mjing ai iêo jak ktang. Knŏng mlan 6, alŭ wăl Bình Thuận hđăp drông leh êbeh 1 êklăk gưl čô tuê. Jih 6 mlan thŭn 2025, alŭ wăl anei drông êbeh 5,5 êklăk gưl čô tuê, đĭ giăm 20% mkă hŏng wưng anei thŭn dih, hnư hrui wĭt mơ̆ng bruă hiu čhưn ênguê êbeh 15.000 êklai prăk.