Tlam  mbruê 30/7, ti ƀuôn hgŭm Pleiku (čar Gia Lai), Phŭn bruă kahan ksiêm mkŏ mjing hdră ksiêm wĭt bruă lăm lui sang dôk êjai, sang tĭ ƀrôč ti dŭm čar Lăn Dap Kngư thŭn 2025. Mơ̆ng akŏ thŭn 2025 truh kơ ară anei, êpul kahan ksiêm ngă leh bruă rŭ mdơ̆ng mrâo leh anăn mkra mđĭ 6.370 boh sang kơ phung ƀun ƀin, giăm ƀun ti dŭm čar Gia Lai, Lâm Đồng leh anăn Quảng Ngãi.

Hŏng ênoh prăk truh 355 êklai prăk, hdră ba leh kơ dŭm êbâo gŏ sang mâo anôk dôk hơĭt, đru mguôp hlăm klei mđĭ kyar bruă duh mkra ala ƀuôn Lăn Dap Kngư. Ti čar Gia Lai, hdră mâo klei sa ai mơ̆ng knuă druh, kahan ksiêm čar, hŏng êbeh 5,4 êklai prăk mơ̆ng prăk mlan, iêo mkrum thiăm 2,78 êklai prăk mbĭt hŏng dŭm êbâo tôn mnơ̆ng mkŏ mkra mơ̆ng yang ƀuôn. Knŏng hlăm dŭm mlan, giăm 6.400 boh sang mâo leh êpul kahan ksiêm dŭm gưl rŭ mdơ̆ng ti dŭm ƀuôn êlan Lăn Dap Kngư, ba truh klei hơ̆k mơak, klei bi mlih hlăm grăp gŏ sang.