Pô bi ala Phan Nguyễn Ngọc Dung mtă kơ knơ̆ng bruă sang čư̆ êa čar ngă jih jang bruă hŏng klei mđrăm mbĭt, djŏ guôp hŏng klei dưi mơ̆ng mdê bi krĭng. Lehanăn mđĭ hĭn bruă hâo hưn hdră êlan mnuih djuê ƀiă, bi hrŏ ƀun, đru kčĕ kơ klei duh ƀơ̆ng, rŭ mjing bruă knuă lehanăn mkŏ mjing hdră êlan duah ƀơ̆ng.

Bruă ksiêm dlăng, mbha ênoh gŏ sang ƀun, giăm ƀun kñăm mâo hdră êlan đru, mâo klei bi đru jăk mđing kơ bruă duh mkra hlăm sa hdră êlan phŭn. Mbĭt hŏng anăn, čar lŏ mđĭ hĭn klei đru kơ hdră êlan mă bruă, mâo klei brei čan prăk hŏng mnga hdjul, mjuăt bi hriăm bruă knuă mă, duah anôk mnia mblei boh mnga, lehanăn dưn yua prăk čan hŏng klei tŭ dưn, mđĭ mlih klei hdĭp mnuih ƀuôn sang./.