Kluôm čar mâo 8.915 gŏ sang dưi hơĭt anôk dôk hlăm dŭm boh sang kjăp, mâo  6.828 boh sang dưi mdơ̆ng mrâo, lehanăn 2.087 boh sang lŏ mkra wĭt. Grăp boh sang mdơ̆ng mrâo dưi đru hlăm brô 80 triệu đồng, sang lŏ mkra wĭt đru 30 êklăk prăk. Hlăm ênoh 4 mta bruă lăm lui sang tĭ ƀrôč, kahan ksiêm čar Daklak kiă kriê leh sa mta bruă lăm lui sang tĭ ƀrôč hŏng 4.825 boh sang mâo mkra, ênoh bi liê jih jang truh 342 êklai prăk, bi leh êlâo kơ wưng kčah mkrah mlan.

3 mta bruă adôk djăp ênoh čuăn sơăi. Snăn bruă bi leh klei đru lăm lui sang tĭ ƀrôč mâo đru leh kơ phung dôk hlăm klei dleh dlan, gŏ sang knŭk kna dlăng ba, mnuih djuê ƀiă dưi hơĭt anôk dôk, lehanăn mâo bi mklă leh klei Đảng, Knŭk kna mđing uêñ kơ klei hdĭp mda ala ƀuôn, mjing atur čiăng kơ mnuih ƀuôn sang mâo klei đĭ kyar klei hdĭp mda./.