Čih mkra klei bhiăn bruă kƀĭn ala, lehanăn êpul gơ̆ng bruă ƀuôn sang kăp ksiêm lŏ mlih mrâo mâo bi lih hŏng klei klă ênŭm, djŏ hŏng klei dưi hĭn, mâo bruă klam mơ̆ng grăp mta. Mơ̆ng anăn mlih mrâo dŭm mta mtrŭn kơ bruă kăp ksiêm bi djŏ hŏng grăp mta bruă mơ̆ng anôk bruă kƀĭn ala, mơ̆ng Êpul gơ̆ng bruă ƀuôn sang tui si hdră: bruă kƀĭn ala, êpul gơ̆ng bruă ƀuôn sang amâo mâo djŏ čŏng diñu ôh jing pô mkŏ mjing êpul kăp ksiêm kơ dŭm bruă truăn mdê mdê.

Blŭ hrăm ti anôk bi kƀĭn, Khua bruă kƀĭn ala Trần Thanh Mẫn lač, mta kñăm mơ̆ng klei kăp ksiêm bi leh jih hdră êlan mơ̆ng hdră bhiăn knŭk kna, mơ̆ng klei bhiăn pioh mđĭ hĭn klei tŭ bruă knŭk kna kiă kriê. lehanăn ksiêk klă mngač bruă knuă klei dưi plah wah bruă kƀĭn ala hŏng Êpul gơ̆ng bruă ƀuôn sang, mbĭt anăn bruă knuă dŭm gưl bruă sang čư̆ êa alŭ wăl, đăm lĕ ôh hlăm klei mđĭ mđal bruă knuă, ƀiădah rơ̆ng mă bruă mâo klei tŭ dưn./.