Khua gĭt gai Đảng Tô Lâm nao čuă, mđup brei mnơ̆ng kơ phung kahan êka êkeh ti Bắc Ninh
Thứ tư, 10:33, 16/07/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Ƀri bi hdơr 78 thŭn hrue kahan êka êkeh – phung êngiă asei (27/7), tlam mbrue 15/7, Khua gĭt gai Đảng Tô Lâm nao čuă lehanăn mđup brei leh mnơ̆ng kơ phung kahan êka êkeh, kahan ruă duam, lehanăn mnuih mâo bruă tŭ dưn ti anôk rông ba kahan êka êkeh Thuận Thành (Bắc Ninh).
Khua gĭt gai Đảng bi êdah ai tiê thâo hdơr knga, lehanăn mpŭ mni kơ ai tiê prŏng prĭn mơ̆ng phung săn leh asei mlei, duh myơr kơ klei hnŭk êngiê djuê ana. Khua gĭt gai Đảng mñă, Đảng, Knŭk kna lehanăn mnuih ƀuôn sang dlăng kơ mnuih mâo bruă tŭ dưn jing phung yuôm bhăn kơ djuê ana, jing klei bi knăl kơ klei khăp kơ lăn čar lehanăn knhuah bhiăn Việt Nam.
Bruă “Hdơr knga tla ai”, “Mnăm êa hdơr kơ hnoh” amâo mâo djŏ knŏng hdră êlan prŏng ƀiădah jing bruă klam bruă kđi čar, hlăm klei thâo khăp prŏng. Khua gĭt gai Đảng mtă kơ anôk bruă lŏ dơ̆ng mghaih msir bi pral, djăp ênŭm klei đru hŏng mnuih mâo bruă tŭ dưn, đru duh kơ digơ̆ hlăm klei hdĭp lehanăn ai tiê./.
Viết bình luận