Lâm Đồng: Nao čuă, mđup brei 16.000 hnư mnơ̆ng kơ dŭm gŏ sang knŭk kna dlăng ba
Thứ sáu, 09:53, 25/07/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV.Êđê- Ƀri wưng bi hdơr 78 thŭn hruê kahan êka, kahan djiê êngiă, čar Lâm Đồng mkŏ mjing êpul nao čuă, mđup brei giăm 16.000 hnư mnơ̆ng hŏng ênoh êbeh 10 êklai 600 êklăk prăk kơ dŭm gŏ sang knŭk kna dlăng ba, phung mâo ai đru bruă krŭ kdơ̆ng hlăm čar.
Čar Lâm Đồng mâo êbeh 21.000 čô kahan êka – djiê êngiă, 2460 čô amĭ Việt Nam jhŏng ktang (29 čô dôk hdĭp). Ênoh mnuih nao bi blah, phung roh mă krư̆ jing 43.100 čô leh anăn giăm 3.370 phung nao bi blah djŏ drao ruă.
Hluê si Y Thanh Hà Niê Kdăm, khua bruă Đảng čar, Khua êpul bi ala Bruă Kƀĭn Ala čar Lâm Đồng, mbĭt hŏng kluôm lăn čar, Lâm Đồng bi klă bruă kriê dlăng phung mâo ai đru bruă krŭ kdơ̆ng jing bruă klam kđi čar, hdră bhiăn leh anăn klei khăp jăk siam. Kyuanăn, čar ngă leh lu hdră êlan klă klơ̆ng đru kơ klei hdĭp leh anăn dŭm klei đru mkăn.
Viết bình luận