VOV4.Êđê - Hlăm jar gưl nao čhưn ti čar Kon Tum, hruê mbruê 5/8, Khua hlăm phŭn bruă kđi čar, Khua hlăm bruă Đảng gưl dlông, Khua Sang phat kđi yang ƀuôn gưl dlông Nguyễn Hòa Bình hŏng Êpul mă bruă gưl dlông nao ksiêm dlăng boh klei mgei lăn leh anăn êmuh hrăm, mđĭ ai mnuih ƀuôn sang ti krĭng msăt mgei lăn să Đăk Ring, kdriêk Kon Plông.

VOV4. Êđê - Hruê kăm êgao, ti Sang bruă kƀĭn ala, Khua bruă kƀĭn ala Trần Thanh Mẫn gĭt gai mmông mă bruă hŏng Knơ̆ng bruă dhar kreh mtô bi bhriăm, Knơ̆ng bruă ala ƀuôn, Anôk mă bruă phung bi ala kñăm ksiêm dlăng kơ bruă ngă leh mơ̆ng akŏ wưng truh ară anei; mbĭt anăn ksiêm dlăng bruă ka mă, adôk kƀah, mă klei hriăm hlue ngă jăk hĭn hlăm wưng kơ anăp.

VOV4.Êđê- Aguah mbruê 2/8, ti Hà Nội, adŭ bruă Khua lăn čar bi mguôp hŏng Phŭn bruă hŏng tač êngao, Phŭn bruă kahan ksiêm, Sang phat mkra ala ƀuôn hưn mdah klei bi klă pap brei klei soh thŭn 2024 mơ̆ng Khua lăn čar.

VOV4.Êđê- Aguah mbrue (31/7), keh kyua hđeh amâo mâo jăk asei mlei Việt Nam bi mguôp leh hŏng anôk bruă đru rông ba mnuih amâo mâo jăk asei mlei lehanăn hđeh êlăk čar Daklak, mkŏ mjing mđup brei mnơ̆ng "Mđĭ ai phung hđeh nao sang hră” hlăm čar Daklak.

VOV4.Êđê- Bi klă bruă duh mkra adôk tuôm hŏng lu klei dleh dlan, klei lông dlăng ti anăp dŭm klei hmăi mơ̆ng tar rŏng lăn leh anăn alŭ wăl lŏ dơ̆ng mlih hmar, dleh ksiêm dlăng, klei kpĭ prăk luč ênoh, anôk bruă ngăn prăk dôk mâo lu klei arưp aram hgăm, bruă mkra mjing, mnia mblei hlăm đa đa bruă adôk dleh dlan, klei truh yan adiê, không kƀah êa, klưh hroh lăn, klei bi mlih yan adiê dleh ksiêm dlăng…Khua knŭk kna mâo leh asăp mrô mrô 71 kơ dŭm bruă klam, hdră êlan knăm mtrŭt mđĭ klei đĭ kyar, ksiêm dlăng prăk luč ênoh, bi hơĭt bruă duh mkra hnơ̆ng prŏng wưng tlâo mlan tal 3/2024.

VOV4.Êđê- Hlăm dŭm thŭn giăm anei, kdriêk Trà Bồng, čar Quảng Ngãi pŏk ngă hdră kñăm ala čar bi hrŏ ƀun kjăp mguôp hŏng boh sĭt, mđĭ boh tŭ dưn bruă bi hrŏ ƀun kjăp. Lu gŏ êsei mnuih ƀuôn sang dưi đru kơ sang dôk, đru ngă bruă duh mkra, tlaih ƀun kjăp.

VOV4.Êđê- Mrâo anei, ti Bruă Kƀĭn Ala, Khua bruă kƀĭn ala Trần Thanh Mẫn gĭt gai leh klei kƀĭn plah wah Khua Bruă Kƀĭn Ala, phung k’iăng khua Bruă Kƀĭn Ala hŏng dŭm anôk bruă mơ̆ng Bruă Kƀĭn Ala, adŭ bruă Bruă Kƀĭn Ala, dŭm anôk bruă hlăm Dhar bruă gĭt gai Bruă Kƀĭn Ala čiăng ksiêm wĭt boh tŭ 6 mlan akŏ thŭn, pŏk ngă bruă klam 6 mlan knhal jih thŭn.

VOV4.Êđê- Jiă kma hŏng klei bhiăn, knhuah gru jăk siam mơ̆ng djuê ana leh anăn klei mtă mơ̆ng khua gĭt gai Hồ Chí Minh, 77 thŭn êgao, Đảng, knŭk kna leh anăn mnuih ƀuôn sang Việt Nam mâo nanao klei uêñ mĭn, kriê dlăng, ngă jăk bruă hdơr knga tla ai hŏng phung mâo bruă tŭ dưn leh anăn gŏ sang digơ̆.

VOV4.Êđê- Aguah mbruê 24/7, K’iăng khua Bruă Kƀĭn Ala Nguyễn Đức Hải leh anăn êpul ngă bruă mđup brei leh 50 hnư mnơ̆ng kơ dŭm gŏ sang kahan êka, kahan êngiă asei, phung mâo bruă tŭ dưn ti čar Lai Châu ƀri wưng bi hdơr 77 thŭn hruê kahan êka, kahan djiê êngiă.

VOV4.Êđê- Ƀri hruê bi hdơr 77 thŭn Hruê kahan êka êkeh - êngiă asei 27/7, čar Dak Lak pioh leh êbeh 11 êklai prăk leh anăn mkŏ mjing 6 êpul mă bruă nao êmuh hrăm, mđĭ ai, mdudp brei mnơ̆ng kơ phung mâo ai êdah êdi.