VOV4.Êđê- Bruă rơ̆ng êđăp ênang hlăm klei bi lông dưi mđing dlăng snăk.

VOV4.Êđê- Gưl 2 Klei bi kƀĭn tal 7, Anôk bruă kƀĭn ala gưl XV mkŏ mjing leh hlăm hruê kăm êgao, hŏng lu bruă yuôm bhăn. Bi trông ti Sang bi kƀĭn kơ hdră mtrŭn duh bi liê mkŏ mkra êlan êran pral Dưr – Dhŭng nah Yŭ kdrêč găn Gia Nghĩa (Dak Nông) - Chơn Thành (Bình Phước), phung bi ala ba mdah brei čih mkra dŭm bruă dưi ba yua klei bhiăn mdê čiăng kuai mă mnơ̆ng yuôm hlăm gŭ lăn, ngă mnơ̆ng yua pioh rŭ mdơ̆ng hdră bruă. Mbĭt anăn brei bi knar ngăn prăk čiăng rơ̆ng hdră ngă bruă dưi pŏk ngă djŏ wưng, dưi bi leh hlăm knhal jih thŭn 2026.

VOV4.Êđê Knăm mđup brei klei pah mni Hră klei mrâo ala čar tal 18 srăng mkŏ mjing mmăt anei, ti Hà Nội, bbri gưl bi hdơr 99 thŭn Hruê hră klei mrâo Cách mạng Việt Nam. Anei jing gưl čiăng mpŭ mni phung čih mkra klei mrâo êdah êdi, mâo klei đru mguôp jăk kơ bruă klei mrâo ala čar leh anăn kơ bruă mkŏ mjing leh anăn răng mgang čar kwar. Anei ăt jing gưl čiăng mđĭ ai, đru kơ êpul mă bruă klei mrâo amâo mdei gĭr ktưn mkŏ mjing hră Klei mrâo Cách mạng Việt Nam bŏ hŏng klei bi ktưn leh anăn jăk siam, thơ̆ng kơ bruă, mrâo mrang, kyua klei tŭ dưn kơ lăn čar leh anăn yang ƀuôn.

VOV4.Êđê- Gưl tal 2 klei 7 srăng 17/6 truh hrue 28/6. Bruă kƀĭn ala ksiêm bi mklă lu klei bhiăn, klei čih mkra hdră mtrŭn dŭm bruă yuôm bhăn dôk hlăm klei dưi.

VOV4.Êđê- Mmăt mbruê (16/6), Anôk bruă čih mkra Hră klei mrâo Cộng sản, Anôk kriê dlăng bruă Mặt trận Việt Nam, Knơ̆ng gĭt gai lĭng kahan răng mgang knông lăn mkŏ mjing leh Hdră bi mni kơ mnuih mâo kơhưm, mnuih êdah êdi krĭng knông lăn, êa ksĭ, plao ksĭ tal 2 thŭn 2024 hŏng akŏ “Anôk jưh knang kơ ƀuôn sang”.

VOV4.Êđê- Hruê kăm êgao, mkŏ mjing klei bi kƀĭn tal 34 mơ̆ng Dhar bruă kƀĭn ala. Blŭ hrăm hlăm klei bi kƀĭn, Khua bruă kƀĭn ala Trần Thanh Mẫn brei thâo, anei jing klei bi kƀĭn grăp gưl mlan 6, mkŏ mjing hlăm wưng plah wah dua gưl mơ̆ng Klei bi kƀĭn tal 7, Bruă kƀĭn ala gưl 15. Klei bi kƀĭn mkŏ mjing hlăm 3 hruê brei klei blŭ hlăm 16 boh phŭn yuôm bhăn.

VOV4.Êđê- Hlue ngă Hdră kñăm ala čar mđĭ kyar bruă duh mkra - ala ƀuôn krĭng mnuih djuê ƀiă leh anăn krĭng čư̆ čhiăng wưng 2021 - 2030, čar Bình Định gĭr, bi hrŏ kah knar 2% - 3% grăp thŭn ênoh bi dôk ung mô̆ mơ̆ng mda leh anăn amâo lŏ đĭ ôh phung bi dôk anak amiêt awa hŏng dŭm alŭ wăl, mnuih djuê ƀiă mâo ênoh bi dôk ung mô̆ mơ̆ng mda lu.

VOV4.Êđê- Aguah 14-6, Knơ̆ng bruă Mnuih ngă bruă, kahan êka êkeh lehanăn yang ƀuôn čar Dak Lak bi hgŭm hŏng Êpul hgŭm mnuih mă bruă čar mkŏ mjing Hruê moak bruă mă thŭn 2024 hŏng akŏ “Bi hgŭm bruă mă Tă hdră êlan mă bruă – Bi kjăp êdei anăp”.

VOV4.Êđê- Klei bi tuôm mâo klei hgŭm mơ̆ng Khua kiă kriê 45 êpul bruă klei đăo hlăm 16 klei đăo mâo Đảng, Knŭk kna tŭ yap.

VOV4.Êđê - Hlăm dŭm thŭn êgao, čar Gia Lai mđing êdi kơ hdră dlăng kriê lehanăn răng mgang phung hđeh, boh nik phung hđeh dleh dlan, dôk ti krĭng taih kbưi. Pŏk ngă Mlan ngă bruă kyua phung hđeh thŭn 2024 hŏng akŏ “Ngă bruă klă sĭt, mđing djăp klei găl mâo kơ phung hđeh”, čar Gia Lai dôk iêu mtrŭt kluôm yang ƀuôn hgŭm kngan răng mgang phung hđeh, mkŏ mkra wăl anôk hdĭp êđăp ênang, jăk čiăng kơ hđeh đĭ kyar kluôm dhuôm.