Hlăm anăn, 251 boh sang dưi ngă leh, đru mkra mđĭ klei găl hdĭp mda mơ̆ng mnuih mâo klei hdĭp dleh dlan.Hlăm ênoh anăn mâo 2092 boh sang dưi pŏk ngă ti čar Gia Lai, mâo 122 boh sang kơ gŏ sang knŭk kna dlăng ba, gŏ sang mnuih mâo bruă tŭ dưn lehanăn giăm 2.000 boh sang kơ gŏ sang ƀun, giăm ƀun.Hŏng mta kñăm mdơ̆ng êbeh 8.400 boh sang kơ dŭm gŏ sang dôk hlăm hdră anei êlâo kơ yan hjan thŭn anei, Gia Lai iêu mtrŭt leh djăp klei đru mơ̆ng yang ƀuôn. Hlăm anăn, sa anôk bruă duh mkra hluê hŏng Keh “Kyua mnuih ƀun” čar, đru leh 10 êklai prăk, Phŭn bruă kahan ksiêm đru êbeh 201 êklai prăk lehanăn Anôk bruă sang čư̆ êa čar Gia Lai mkăp leh 211 êklai prăk. Hŏng klei mjêč lehanăn đru hgŭm mơ̆ng dŭm gưl, dhar bruă lehanăn kluôm yang ƀuôn, hdră msir lăm sang dôk êjai, sang tĭ ƀrôč čar Gia Lai dưi pŏk ngă kjăp, kñăm mkra mđĭ klei hdĭp mnuih ƀuôn sang, boh nik dŭm gŏ sang ƀun, giăm ƀun lehanăn gŏ sang knŭk kna dlăng ba êlâo kơ yan hjan thŭn anei.

Yap truh knhal jih hruê kăm êgao, čar Kon Tum dưi lăm lui 1016 boh sang dôk êjai, sang tĭ rưč hlăm 2.752 boh sang čiăng dưi rŭ mdơ̆ng mrâo leh anăn mkra wĭt. Hlăm ênoh 1.106 boh sang dôk êjai, sang tĭ rưč mâo čar Kon Tum đru kơ dŭm gŏ sang lăm lui, mlih sang mkăn, mâo 787 boh sang rŭ mdơ̆ng mrâo leh anăn mkra wĭt 229 boh sang.

Hlăm bruă lăm lui sang dôk êjai, sang tĭ ƀrôč ti čar Kon Tum brei ƀuh klei nao hgŭm hur har mơ̆ng dŭm êpul bruă, êpul êya. Čiăng lŏ dơ̆ng mtrŭt bi pral bruă lăm lui sang dôk êjai, sang tĭ rưč, bruă sang čư̆ êa 10 kdriêk, ƀuôn prŏng mơ̆ng čar Kon Tum dôk hluê ngă lu hdră êlan kñăm ruh mgaih klei dleh dlan, kpăk gun hŏng bruă mkăp brei ngăn prăk, iêo jak dưi dưi čiăng lăm lui sang dôk êjai, sang tĭ rưč, đru kơ gŏ sang amâo mâo prăk kăk, amâo mâo mnuih nao hgŭm rŭ mdơ̆ng, mkra wĭt sang dôk.