VOV4.Êđê - Aguah mbrue 3/5, Bruă Đảng čar Kon Tum mkŏ mjing leh klei bi kƀĭn ksiêm wĭt 3 thŭn ngă klei mtrŭt mjhar “Bi mlih knhuah mĭn, hdră mă bruă hlăm mnuih djuê ƀiă, kñăm kpưn đĭ tlaih mơ̆ng klei ƀun ƀin hŏng klei kjăp”.

VOV4.Êđê- Kkuh drông bi hdơr gưl 1/5, ti dŭm čar Lăn Dap Kngư leh anăn kluôm ala pŏk ngă lu bruă yuôm bhăn kñăm kriê dlăng kơ phung êdam êra, phung mă bruă mâo klei hdĭp dleh dlan:

VOV4.Êđê – Hruê 17/4 leh êgao, ti anôk bi kƀĭn tal 32, Dhar bruă gĭt gai Anôk bruă kƀĭn ala tŭ ư ba mdah kơ Anôk bruă kƀĭn ala ksiêm dlăng, bi mklă hdră mtrŭn duh bi liê rŭ mdơ̆ng êlan êran pral Dưr – Dhŭng kdrêč nah Yŭ găn Gia Nghĩa (Dak Nông) - Chơn Thành (Bình Phước), hlăm klei bi kƀĭn tal 7 kơ anăp. Anei jing hdră bruă êlan klông phŭn, srăng đru msir mghaih klei kpăk gun hlăm anôk bruă êlan klông nah gŭ, mjing wăl anôk đĭ kyar mrâo, mjing boh kdrŭr mtrŭt mđĭ kyar bruă duh mkra – ala ƀuôn, rơ̆ng klei êđăp ênang bruă lĭng kahan, klei êđăp ênang ala ƀuôn ti krĭng Ngŏ kwar Dhŭng lehanăn Lăn dap kngư. Ti čar Dak Nông, bruă sang čư̆ êa lehanăn mnuih ƀuôn sang dôk čang guôn kơ hdră ane

VOV4.Êđê- Aguah mbruê, ti Sang dhar kreh mnuih mă bruă bi hgŭm Việt – Xô mkŏ jing knăm mtrŭt mjhar mlan ngă bruă kyua klei êđăp ênang êjai mă bruă leh anăn mlan mnuih ngă bruă thŭn 2024.

VOV4.Êđê- Thiếu tá Hoàng Tiến Dũng (42 thŭn), sa čô hlăm Anôk bruă gĭt gai lĭng kahan wăl krah Ƀuôn Hồ, čar Dak Lak amâo mdei tui hriăm, mbruă čiăng bi leh bruă klam dưi jao. Hŏng klei khăp kơ kdrăp mrâo, ñu mkra leh kdrêč “Kriê dlăng bruă phao ktuang”, “Kriê dlăng čih anăn bruă lĭng kahan leh anăn mnuih ƀuôn sang srăng mŭt kahan”. Dŭm hdră leh anăn kdrăp kyua kyua ñu leh anăn phung ƀĭng hgŭm mkra mjing leh anăn dôk ba yua lu, đru mđĭ boh tŭ bruă klam răng mgang čar kwar.

VOV4.Êđê- Dŭm bruă kơ bruă mă, mđĭ prăk hrui wĭt, klei hdĭp mda kơ mnuih mă bruă jing boh phŭn mâo phung bi ala kơ mnuih ƀuôn sang ƀuôn prŏng Ƀuôn Ama Thuôt lač hlăm klei bi tuôm hŏng phung bi ala kơ mnuih ƀuôn sang mơ̆ng Êpul bi ala bruă kƀĭn ala čar Dak Lak.

VOV4.Êđê-Aguah mbrue 23/4, mă klei blŭ kơ klei hâo mdah bruă ksiêm kơ dŭm bruă truăn “Hlue ngă dŭm hdră êlan, klei bhiăn răng mgang klei êđăp ênang êlan klông mơ̆ng thŭn 2009 truh jih thŭn 2023", Dhar bruă gĭt gai bruă kƀĭn ala mtă: Mđing duh bi liê mkra êlan klông, tal êlâo jing mkra wĭt êlan klông, lehanăn mghaih msir dŭm anôk kreh mâo klei truh hlăm êlan klông.

VOV4.Êđê- Aguah 22/4, ti ƀuôn prŏng Điện Biên Phủ, čar Điện Biên, Êpul Gru bi kal Hrah Việt Nam bi hgŭm hŏng Knăm mtrŭt mjhar Mlan đru kơ mnuih knap mñai gưl ala čar thŭn 2024 hŏng anăn “Hdră đru kơ mnuih knap mñai – Ba jao klei khăp”.

VOV4.Êđê- Mơ̆ng thŭn 2016, Anôk kriê dlăng bruă Đảng gưl XI ƀuôn prŏng Kon Tum, čar Gia Lai ba mdah leh Hdră mtrŭn mrô 06 kñăm mkra mđĭ klei hdĭp mnuih ƀuôn sang ti dŭm boh ƀuôn mnuih djuê ana ƀiă mguôp hŏng hdră mđĭ kyar anôk bruă nah gŭ djŏ guôp hŏng knhuah dhar kreh jăk siam mơ̆ng êpul êya mnuih ƀuôn sang djuê ana ƀiă ti alŭ wăl. Hluê anăn, ƀuôn prŏng Pleiku duh bi liê leh kơ dŭm boh ƀuôn mnuih ƀuôn sang djuê ana ƀiă êbeh 50 êklai prăk čiăng ngă bi leh hdră êlan klông dŭ mdiăng, đru lŏ pla mrâo kphê, đru kơ dŭm gŏ sang ƀun, giăm ƀun; duh kơ bruă bi leh dŭm klei čih mkra hdră bhiăn dhar kreh, kriê pioh ƀuôn bruă djuê ana.

VOV4.Êđê- “Brei hlue ngă klei bhiăn rơ̆ng dŭm Hdră mtrŭn kluôm djăp ênŭm kčah mơ̆ng Hdră bhiăn lăn ala, mbĭt anăn rơ̆ng djăp klei găl čiăng kơ Hdră bhiăn lăn ala thŭn 2024 dưi dưn yua hnưm”. Anei jing klei mtă mơ̆ng K’iăng Khua knŭk kna Trần Hồng Hà hlăm klei bi kƀĭn hŏng Phŭn bruă ngăn dŏ leh anăn Wăl hdĭp mda leh anăn dŭm phŭn, dhar bruă djŏ tuôm kơ hnơ̆ng mkŏ mjing dŭm hră mơar kčah kơ klei hlue ngă Hdră bhiăn lăn ala thŭn 2024 mkŏ mjing hruê kăm êgao.