VOV4.Êđê- Kahan ksiêm čar Dak Lak mbĭt hŏng bruă sang čư êa alŭ wăl rŭ mdơ̆ng leh 270 boh sang klei khăp brei kơ dŭm gŏ sang dleh dlan.

VOV4.Êđê- Hlăm dŭm thŭn êgao, bruă Đảng ƀuôn prŏng Ƀuôn Ama Thuôt, čar Dak Lak pŏk ngă leh lu hdră msir tŭ dưn čiăng mđĭ kyar Đảng hlăm êpul kahan ƀuôn. Mơ̆ng anăn, đru mđĭ hnơ̆ng jăk đảng viên hlăm êpul lĭng kahan, mđĭ lar đảng viên hlăm phung mda asei, mkŏ mjing Đảng ti nah gŭ ƀrư̆ kjăp ktang kluôm, ngă tŭ dưn bruă klam rơ̆ng êđăp ênang ala ƀuôn ti alŭ wăl.

VOV4.Êđê- Ti anôk bi tuôm hŏng mnuih ƀuôn sang êlâo kơ Klei bi kƀĭn tal 7, Anôk bruă kƀĭn ala gưl XV mơ̆ng Êpul bi ala Anôk bruă kƀĭn ala čar Lâm Đồng leh êgao, mnuih ƀuôn sang să Đồng Nai Thượng, kdriêk Cát Tiên (Lâm Đồng) hưn lač leh klei kƀah êa krih kơ mnơ̆ng pla dôk mâo ƀrư̆ hruê ƀrư̆ kjham. Mnuih ƀuôn sang akâo kơ Knŭk kna hnưm mâo hdră mkra dŭm knơ̆ng mbông êa, rơ̆ng bruă pla mjing lehanăn duh ƀơ̆ng hlăm wưng sui thŭn mlan.

VOV4.Êđê- Ngă klei mă bruă êlâo kơ bi kƀĭn tal 7, bruă kƀĭn ala gưl XV, tlam 9/5, Êpul bi ala bruă kƀĭn ala čar Gia Lai mkŏ mjing leh 3 anôk bi tuôm hŏng mnuih ƀuôn sang ti dŭm kdriêk Đăk Pơ, Ia Pa lehanăn Mang Yang.

VOV4.Êđê- Êpul hgŭm gru bi kal hrah čar Gia Lai mkŏ mjing mlan đru dŏng thŭn 2024 hŏng akŏ “Ngă klei đru dŏng – Bi kah mbha klei khăp”, wĭt phă “êklăk knhuang klei thâo bi đru” hŏng mta kñăm đru kơ phung dôk găn hlăm klei dleh dlan ti čar Gia Lai lehanăn dŭm čar Yŭ Dưr.

VOV4.Êđê - Aguah mbruê 8/5, Êpul gru bi kal hrah čar Dak Lak bi mguôp hŏng bruă sang čư êa ƀuôn prŏng Ƀuôn Ama Thuôt mkŏ mjing knăm mtrŭt mjhar mlan ngă bruă Jăk thŭn 2024 hŏng akŏ “Hdră ngă bruă jăk – jao mă klei thâo khăp”.

VOV4.Êđê – Kyua mkŏ mkra hdră ngă bruă djŏ guôp hŏng boh sĭt, iêu mtrŭt jih anôk bruă kđi čar hrăm mbĭt ngă bruă, kyua anăn bruă hluê ngă hdră bi hrŏ ƀun pral, h’ĭt kjăp ti dŭm alŭ wăl nah Yŭ Dưr dưi mâo leh boh tŭ jăk siam, ênoh gŏ êsei ƀun hrŏ pral, đru kơ dŭm alŭ wăl ƀrư̆ hluê ngă kjăp mta kñăm mđĭ kyar pral h’ĭt kjăp.

VOV4.Êđê- Lŏ dơ̆ng gưl nao mă bruă ti čar Kon Tum, tlam (5/5), Pô mâo klei dưi Khua lăn čar Võ Thị Ánh Xuân hŏng Êpul mă bruă gưl dlông nao čhưn, mđup brei mnơ̆ng kơ gŏ sang knŭk kna dlăng ba, gŏ êsei ƀun leh anăn phung hđeh mâo klei hdĭp dleh dlan ti kdriêk Kon Braih.

VOV4.Êđê- Mrâo anei, Êpul bi ala bruă kƀĭn ala dŭm čar krĭng Lăn Dap Kngư mkŏ mjing leh klei bi tuôm hŏng phung bi ala êlâo kơ klei kƀĭn tal 7, Bruă kƀĭn ala gưl 15. Hlăm dŭm anôk bi tuôm, phung bi ala dŭm čar hlăm alŭ wăl hưn mdah leh đa đa boh klei yuôm bhăn.

VOV4.Êđê- Hrue mbrue 3/5, ti Sang bruă kƀĭn ala, Anôk bruă dhar kreh, mjuăt bi hriăm mkŏ mjing klei bi kƀĭn kluôm tal 7, trông čhai mă klei blŭ kơ hdră lăn čar kñăm kơ klei đĭ kyar dhar kreh wưng thŭn 2025 - 2035.