Ƀri gưl anei, Êpul hgŭm mnuih djŏ drao ruă dioxin Việt Nam jao leh prăk duh kơ bruă kơ 5 gŏ sang mâo mnuih djŏ drao ruă dioxin lehanăn 30 hnư mnơ̆ng Têt đru kơ phung djŏ drao ruă anei. Ênoh dŭm hnư mnơ̆ng anei 86 êklăk prăk. Nao čuă lehanăn jao mnơ̆ng Têt kơ dŭm gŏ sang ti wăl krah Pơng Drang, kdriêk Krông Ƀŭk, čar Dak Lak, Trung tướng Nguyễn Hữu Chính, Khua Êpul hgŭm mnuih djŏ drao ruă dioxin Việt Nam mđĭ leh ai phung djŏ lehanăn gŏ sang lŏ dơ̆ng gĭr ktưn kpưn đĭ hlăm klei hdĭp. Ară anei, čar Dak Lak mâo 1.418 čô mnuih djŏ drai ruă dioxin dưi dưn hdră đru. Păt čiăng jih gŏ sang dleh dlan sơaĭ.

Ƀri gưl anei, Êpul hgŭm mnuih djŏ drao ruă dioxin mtrŭt mjhar hdră mđup brei mnơ̆ng Têt kơ jih jang 1.418 čô djŏ drao ruă, grăp hnư 200.000 prăk, đru kơ gŏ sang lŏ mâo klei găl drông Têt./.