Kon Tum bi mklă hnơ̆ng đru 25 êklăk prăk grăp čô knuă druh nao ti čar mrâo Quảng Ngãi mă bruă
Thứ năm, 04:00, 26/06/2025
VOV TAYNGUYEN
VOV TAYNGUYEN
VOV4.Êđê- Hnơ̆ng đru 25 êklăk prăk hŏng grăp čô knuă druh nao mă bruă ti Anôk bruă kđi čar - hră mơar dưm ti čar Quảng Ngãi leh anăn ênoh prăk đru, klei găl ba yua mâo Êpul gơ̆ng bruă ƀuôn sang čar Kon Tum gưl XII- Klei bi kƀĭn thơ̆ng bi mklă.
Klă klơ̆ng, hlăm Hdră mtrŭn mrô 23 mơ̆ng Êpul gơ̆ng bruă ƀuôn sang čar Kon Tum, hnơ̆ng đru hŏng knuă druh, phung mă bruă knŭk kna leh anăn mnuih mă bruă dưi dưñ mơ̆ng prăk knŭk kna dưi đru sa blư̆ jing 25 êklăk prăk/čô. Prăk dưi kah mơ̆ng prăk knŭk kna ti čar.
Kơ klei găl ba yua hdră êlan đru tla sa blư̆ kơ phung knuă druh, phung mă bruă knŭk kna leh anăn mnuih mă bruă mâo wưng mă bruă ti Anôk bruă kđi čar - hră mơar ti čar Quảng Ngãi truh jih hruê 30/6/2026. Hŏng phung mdei mă bruă êlâo kơ wưng hruê 30/6/2026 snăn mâo bruă klam tla kơ prăk knŭk kna ênoh đru leh (êngao kơ phung kyua mta phŭn djŏ guôp leh anăn amâo dưi lŏ nao).
Viết bình luận