VOV4.Êđê - Lu kdriêk krĭng čư̆ čhiăng ti čar Bình Định dôk hluê ngă Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng. Hlăm wưng êgao, mnuih mâo kơhưm ti dŭm kdriêk krĭng čư̆ čhiăng čar Bình Định mđĭ leh hdră mtô mblang hŏng lu hdră, đru kơ mnuih ƀuôn sang thâo săng hĭn bruă klam, klei tŭ yuôm mơ̆ng hdră anei.

VOV4.Êđê - Êbeh 1 êklăk čô dleh dlan mâo leh klei đru hlăm 6 mlan akŏ thŭn 2024, anăn jing klei hưn hlăm klei kƀĭn trông ksiêm wĭt klei ngă bruă êpul gru bi kal hrah dŭm čar krĭng war Krah – krĭng Lăn Dap Kngư (Êpul bi lông mrô 6) mkŏ mjing aguah mbruê 3/6 ti čar Dak Lak.

VOV4.Êđê - Hruê kăm êgao, hlăm klei bi kƀĭn tal 7, Bruă kƀĭn ala gưl XV, lu phung bi ala mđing kơ dŭm bruă hlăm lu mta msĕ si klei doh êƀăt mnơ̆ng ƀơ̆ng, gang mkhư̆ klei pui ƀơ̆ng, mtuh, mtô bi hriăm thiăm, mkŏ mjing krĭng ƀuôn sang mrâo. Phung bi ala mtă brei mâo hdră msir tŭ dưn hĭn hlăm bruă gang mkhư̆ klei pui ƀơ̆ng mtuh, ksiêm dlăng boh klei amâo doh êƀăt mnơ̆ng ƀơ̆ng.

VOV4.Êđê- Hdră bruă “Hơuh mđao sang Công đoàn” mâo Êpul hgŭm mnuih mă bruă čar Dak Lak mtrŭt mjhar hlăm dŭm thŭn êgao mâo leh klei lar bra êlam, bi êdah ai tiê hgŭm mguôp, thâo bi đru mơ̆ng phung đoàn viên, mnuih mă bruă. Hluê hŏng hdră “Hơuh mđao sang Công đoàn” dưi rŭ mdơ̆ng, đru bi sĭt klei čang hmăng dưi bi hơĭt anôk dôk, bi guh mngač klei đăo knang mơ̆ng lu gŏ sang mnuih mă bruă mâo klei hdĭp dleh dlan.

VOV4.Êđê- Hŏng lu hdră ngă mbruă, tŭ dưn, kdriêk Ea Kar, čar Dak Lak bi leh bruă đru rŭ mdơ̆ng sang dôk kơ dŭm gŏ êsei ƀun hlăm Hdră bruă 1 hlăm hdră kñăm ala čar mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng (1719) wưng 2021-2030.

VOV4.Êđê - Leh knăm mphŭn pŏk, Klei bi kƀĭn tal 7, Anôk bruă kƀĭn ala gưl XV hluê ngă leh hdră bruă knuă druh. Hlăm anăn, bruă Khua Anôk bruă kƀĭn ala lehanăn Khua lăn čar mâo mnuih ƀuôn sang mđing êdi.

VOV4.Êđê - Hdră mtrŭn klei čuăn ênoh lăn čiăng bi klă dŭm klei čuăn dưi hluê ngă hlăm boh sĭt hlăm jing klei djŏ, hluê ngă hơĭt kjăp, leh anăn dŭm hdră êlan mrâo, klei kdlưn hĭn hlăm hdră bhiăn lăn ala thŭn 2024.

VOV4.Êđê- Hruê anei 20-5, ti ƀuôn prŏng Phŭn Hà Nội, mphŭn pŏk Klei bi kƀĭn tal 7, Bruă kƀĭn ala gưl XV. Mrâo êgao, hlăm dŭm klei bi tuôm hŏng phung bi ala kơ mnuih ƀuôn sang, dŭm Êpul bi ala bruă kƀĭn ala ti krĭng Lăn Dap Kngư tŭ mă leh lu klei blŭ yuôm bhăn. Hlăm anăn, bruă gang mkhư̆ klei ƀơ̆ng ngăn leh anăn bi liê kơ anôk bruă êlan klông nah gŭ jing 2 boh phŭn năng tŭ yap hlăm dŭm klei bi tuôm hŏng phung bi ala kơ mnuiih ƀuôn sang ti Lâm Đồng leh anăn Dak Lak hlăm hruê kăm êgao.

VOV4.Êđê - Tlam 17/5, Khua knŭk kna Phạm Minh Chính gĭt gai Klei bi kƀĭn kơ boh klei pŏk ngă, hlue ngă hdră bruă “Bi liê mkŏ mjing ƀiă êdi 1 êklăk boh sang ala ƀuôn kơ phung mâo prăk hrui wĭt ƀiă, phung mă bruă hlăm anôk tuh tia mkra mjing wưng 2021-2030”.

VOV4.Êđê - Tlam mbrue 14/5, Khua phŭn bruă, khua adŭ bruă djuê ana Hầu A Lềnh mă leh bruă hŏng knơ̆ng bruă sang čư̆ êa čar Cao Bằng kơ klei duh mkra mnia mblei lehanăn duh bi liê, rŭ mkra bruă nah gŭ, klei bi mnia mblei hŏng ala tač êngao, lehanăn ngă dŭm bruă ala čar kñăm.