Bi trông hlăm êpul kơ hdră bhiăn mkŏ mjing bruă sang čư̆ êa alŭ wăl mkra mlih, phung bi ala sa ai hŏng klei mĭn mđĭ hĭn klei mbha gưl, mbha klei dưi, kyua anei jing hdră mgaih msir dŭm klei dleh kpăk. Hdră bhiăn amâo guôn čuăn klă klơ̆ng, bhĭ klĭ grăp hdră êlan, ƀiădah knŏng bi klă dŭm boh klei mâo knhuah hdră bhiăn, êjai dưi jao klei dưi, alŭ wăl bi klă, alŭ wăl đua klam. Ƀiădah êjai jao klei dưi hĭn kơ dŭm gưl mnuih ƀuôn sang srăng nao mbĭt hŏng klei mjhua klei dưi Đại Hoàng Văn Cường, êpul mơ̆ng Hà Nội lač:

“Bi klă hdră êlan si srăng ngă čiăng ñĕ kơ klei mjhua hŏng klei dưi, ƀơ̆ng kơ pô, sa hlăm dŭm hdră ănăn jing klei dưi nao mbĭt hŏng bi êdah, klă mngač, hlăk mblang. Êjai anăn phung knuă druh ngă bruă srăng dưi bi lar klei thâo, klei mbruă, ai tiê mơ̆ng klei bi klă mrô 14 mơ̆ng Phŭn bruă kđi čar kơ mtrŭt mjhar phung jhŏng mĭn, jhŏng ngă kơh dưi bi lar boh tŭ dưn”.

Bi trông hlăm êpul, Khua gĭt gai Đảng Tô Lâm mñă klă: mă klei nao ai mơ̆ng mnuih ƀuôn sang čiăng bi klă boh tŭ dưn mơ̆ng knŭk kna, bruă sang čư̆ êa dŭm gưl. Klei anei knang kơ hdră tă, klei dưi bi găl guôp mrâo, ai dưi hluê ngă hdră êlan mơ̆ng dŭm gưl bruă sang čư̆ êa.

 “Mđĭ hnơ̆ng tŭ jăk bruă đru kơ mnuih ƀuôn sang, kñăm mtrŭt mđĭ klei nao hgŭm mơ̆ng yang ƀuôn hlăm hdră mđĭ hĭn boh tŭ dưn mơ̆ng bruă knŭk kna leh anăn bi kjăp klei yang ƀuôn ngă phŭn. Tơdah amâo dưi iêo jak ai ktang mơ̆ng mnuih ƀuôn sang jing dleh dlan êdi. Čiăng mtrŭt mjhar, bi klă čiăng dưi ngă klei anăn. mbha klei dưi ƀiădah bruă knŭk kna ăt yuôm bhăn sơnăk. Jih jang klei dưi srăng lui jih bruă knŭk kna, lui bruă klam đru kơ mnuih ƀuôn sang leh”.

Brei klei blŭ mguôp kơ hdră bhiăn mkŏ mjing knŭk kna (mkra mlih), Khua bruă kƀĭn ala Trần Thanh Mẫn mñă klă klei mĭn mbha gưl ktang kơ knŭk kna čiăng kơ knŭk kna čŏng pô bi klă hŏng ai tiê hluê boh sĭt jing giê mkă čiăng mgaih msir dŭm klei dleh kpăk čiăng bi hluh ai dưi đĭ kyar. Khua bruă kƀĭn ala Trần Thanh Mẫn mñă ktang, dŭm boh klei dưi bi klă srăng mgaih msir mtam. Boh nik, amâo djŏ kyua dŭm klei čuăn, hră mơar dleh bi êmưt klei đĭ kyar lăn čar. Khua Bruă Kƀĭn Ala lač, êjai brei klei blŭ mguôp mkra mlih dŭm hdră bhiăn djŏ tuôm srăng lŏ dơ̆ng ksiêm dlăng, čiăng rơ̆ng găl guôp hŏng dŭm klei čuăn hlăm hdră bhiăn phŭn.

 “Bi hŏng hdră bhiăn mkŏ ming  bruă sang čư̆ êa alŭ wăl (mkra mlih) srăng mbha gưl ktang hĭn kơ bruă sang čư̆ êa alŭ wăl hluê hdră, alŭ wăl bi klă, alŭ wăl ngă, alŭ wăl đua klam. Ară anei, Bruă Kƀĭn Ala mlih mrâo klei mĭn hdră bhiăn anăn jing Bruă Kƀĭn Ala jao klei dưi ktang kơ dhar bruă Bruă Kƀĭn Ala. Kyuadah hdră bi kƀĭn mơ̆ng dhar Bruă Kƀĭn Ala mbruă hĭn čiăng mgaih msir dŭm boh klei mjêč. Bi hŏng Bruă Kƀĭn Ala hlăm wưng kơ anăp amâo mâo kriê dlăng hră anăn duh bi liê, wăt knŭk kna ăt kăn kriê dlăng kñăm bi hrŏ jih hnơ̆ng klei akâo – brei”.

Sa hlăm dŭm hdră bhiăn bi klă klei dưi jing rơ̆ng kơ Khua knŭk kna amâo mâo bi klă dŭm boh klă klă klơ̆ng hlăm bruă klam mơ̆ng khua phŭn bruă, khua anôk bruă knar hŏng phŭn bruă hŏng bruă klam jing khua êmua knŭk kna hŏng dhar bruă, mta bruă dưi jao bruă klam. Pô bi ala Nguyễn Minh Đức, êpul mơ̆ng ƀuôn prŏng Hồ Chí Minh mñă: Hdră bhiăn klă sĭt kơ bruă mbha klei dưi, jao klei dưi, mbha gưl kriê dlăng mơ̆ng Khua knŭk kna truh kơ dŭm phŭn, dhar bruă.

 “Jao klei dưi plah wah Khua knŭk kna hŏng Khua Phŭn bruă amâodah khua dhar bruă ya mta mta phŭn srăng jao? Jao klei dưi kơ khua bruă sang čư̆ êa čar amâodah ƀuôn prŏng hlăm gưl dlông ya mta phŭn jao? Hlăm anăn čiăng mâo hdră êlan čiăng kơ êdei anăp mâo hdră mtrŭn mtô klă klơ̆ng. Tơdah amâo mâo klei anei mơ̆ng êlâo alŭ wăl ngă hră akâo, lŏ êmuh kyua amâo mâo klă”.

Phung bi ala lač, kluôm ala dôk hluê ngă hdră mlih mrâo hlăm jar bruă knŭk kna, hŏng hnơ̆ng ngă bruă hmar, kyuanăn čiăng êdi ba mdah mtam hdră mtrŭn bi klă kơ mgaih msir đa đa boh klei djŏ tuôm hŏng klei mkŏ dăp mnuih mă bruă, knăm mkŏ mjing tur knơ̆ng ngă bruă mkŏ dăp mơ̆ng dŭm anôk bruă knŭk kna ti gưl dlông leh anăn alŭ wăl.