
Hlue ngă klei gĭt gai mơ̆ng Knŭk kna kơ bruă đru kơ gŏ êsei ƀun, giăm ƀun lăm lui sang tĭ, ƀrôč, kahan răng mgang knông lăn čar Kon Tum dôk đru mbĭt hŏng bruă sang čư̆ êa leh anăn dŭm êpul bruă alŭ wăl đru kơ mnuih ƀuôn sang rŭ mdơ̆ng boh sang mâo ênoh yuôm hĭn čiăng mâo anôk dôk hơĭt kjăp leh anăn jăk hĭn ti knông lăn.
Ti 13 să knông lăn hlăm 4 kdriêk Đăk Glei, Ngọc Hồi, Sa Thầy leh anăn Ia H’Drai ti čar Kon Tum mâo 145 sang tĭ, ƀrôč mnuih ƀuôn sang brei dưi mkra mrâo leh anăn mkra mđĭ. Đại tá Lê Minh Chính, Khua dlăng bruă Đảng êpul kahan răng mgang knông lăn čar Kon Tum, brei thâo, mbĭt hŏng kdrêč knŭk kna đru 60 êklăk prăk/ boh sang mkra mrâo leh anăn 30 êklăk prăk/boh sang kơ bruă mkra mđĭ sang hđăp, Êpul lĭng kahan knông lăn Kon Tum dôk gĭr iêô mkrum lu klei găl đru thiăm prăk leh anăn hruê mă bruă mkŏ mkra pưk sang prŏng siam, hơĭt hĭn ti knông lăn.
Viết bình luận