Hdră bhiăn mâo 5 mta, 32 klei, dưi ba yua mơ̆ng hruê 1/3 ti anăp. Hưn mdah hră hlak mblang, Khua hlăm Dhar bruă gĭt gai Anôk bruă kƀĭn ala Hoàng Thanh Tùng brei thâo, leh hmư̆ klei blŭ mơ̆ng phung bi ala Anôk bruă kƀĭn ala kơ hdră rơ̆ng klei bi knar mơ̆ng klei čih mkra hdră bhiăn hŏng bruă hdră bhiăn lehanăn rơ̆ng klei mbha gưl, mbha klei dưi mguôp hŏng bruă ksiêm dlăng kjăp klei dưi lehanăn bi kdơ̆ng hŏng bruă mčhua hŏng klei dưi, Dhar bruă čih mkra thiăm leh dŭm klei bhiăn, hdră mtrŭn mrâo…

Hluê si Hoàng Thanh Tùng, dŭm klei bhiăn, hdră mtrŭn mrâo lač dưi thiăm mbŏ kñăm bi mlih klei bhiăn mbha gưl, mbha klei dưi čiăng hluê ngă kjăp hdră êlan mtrŭn mơ̆ng Đảng hlăm bruă anei, mđĭ klei đua klam mơ̆ng khua kiă kriê. Mbĭt anăn, brei mđĭ lar ai tiê čŏng pô, mĭn mrâo, jhŏng mĭn, jhŏng ngă, jhŏng đua klam mơ̆ng dŭm anôk bruă knŭk kna, pral ruh mtlaih klei dleh dlan, gun kpăk kơ klei bhiăn, klei ngă hră mơar,ba yua jih klei găl mâo čiăng mđĭ kyar, pral mâo hdră mdrơ̆ng hŏng klei bi mlih boh klei dôk mâo hlăm ala čar lehanăn tar rŏng lăn, kyua mta kñăm mđĭ kyar kluôm mơ̆ng ala čar mbĭt anăn rơ̆ng klei bi knar, klei mđrăm mbĭt hlăm bruă tŭ mă klei blŭ đru mguôp, mkra mlih hlăm klei čih mkra hdră bhiăn mkŏ mjing bruă sang čư̆ êa alŭ wăl (mkra mlih)./.