4 thŭn êgao, dŭm gưl bruă sang čư̆ êa, êpul êya čar Kon Tum dưi mkŏ mjing, rơ̆ng kơ êbeh 1.200 klei bi hmô đru kơ mnuih djuê ƀiă.

Mơ̆ng dŭm klei bi hmo anăn, dưi iêo mkrum êbeh 140 êklai prăk đru kơ mnuih ƀuôn sang mđĭ kyar bruă duh mkra: mkra mlih, mkŏ wĭt đang pla mjing, hâo hưn, hlăk mblang hdră bhiăn, lăm lui klei bhiăn mluk mgu....

Hluê anăn đru kơ êbeh 37.300 gŏ sang mnuih djuê ƀiă ƀun ƀin, giăm ƀun lui hĕ klei bhiăn amâo mâo djŏ, thâo dưn yua klei mrâo mrang hlăm bruă mkra mjing. Êbeh 4.500 gŏ sang dưi tlaih ƀun. Bruă Đảng čar Kon Tum mñă klă boh tŭ dưn, klei čiăng êdi lŏ rơ̆ng kơ klei mtrŭt mjhar leh bi mŭt čar leh anăn klei bi hmô bruă sang čư̆ êa dua gưl ngă bruă hlăm wưng kơ anăp. Bruă Đảng čar Kon Tum mdưm mta kñăm hlăm thŭn 2025 čar bi hrŏ ênoh gŏ êsei ƀun, giăm ƀun mnuih djuê ƀiă mơ̆ng 3 – 4 % mkă hŏng thŭn 2024.