Hlăm ênoh anei, mâo 6.191 sang mkra mrâo leh anăn 1.440 boh sang mkra  mđĭ. Hlue si hdră, čar Gia Lai srăng đru 8.155 gŏ êsei lăm lui sang tĭ, ƀrôč. Hlăm anăn, mâo 6.562 gŏ êsei dưi mkra sang mrâo leh anăn 1.593 gŏ êsei dưi mkra mđĭ. Ênoh bi liê hlue ngă êbeh 441 êklai prăk. Grăp boh sang mkra mrâo dưi đru 60 êklăk prăk; sang mkra mđĭ mâo đru 30 êklăk prăk.

Dương Văn Tuấn,  Khua Knơ̆ng bruă sang čư̆ êa să Ia Piar, sa hlăm dŭm să ba anăp hnơ̆ng lăm lui sang tĭ, ƀrôč ti kdriêk Phú Thiện, brei thâo: jih bruă kđi čar hgŭm hŏng mnuih ƀuôn sang čiăng hnưm bi leh hdră. Bruă pŏk ngă hdră lăm lui sang tĭ, ƀrôč amâo djŏ knŏng msir klei čiăng hơĭt anôk dôk êbeh 8000 gŏ êsei ôh, ƀiădah lŏ đru hlue ngă hdră kñăm bi hrŏ ƀun leh anăn rơ̆ng êđăp ênang ala ƀuôn hlăm kluôm čar Gia Lai.