Hluê klei hưn, êbeh 205 êbâo boh sang tĭ ƀrôč dưi msir lăm. Boh nik, 21 čar, ƀuôn prŏng hlăm gưl dlông amâo lŏ dôk sang dôk êjai. Kñăm mđĭ lar dŭm boh tŭ dưi mâo lehanăn kkuh mơak bi hdơr 80 thŭn Hruê kgŭ kdơ̆ng mlan 8 tŭ jing t msĕ mơh hruê mkŏ mjing ala čar 2/9, Khua knŭk kna mtă kơ dŭm anôk bruă djŏ tuôm mbĭt hŏng dŭm alŭ wăl mđĭ hdră kiă kriê lehanăn pŏk ngă kjăp hdră bi ktưn “Hgŭm kngan msir lăm sang dôk êjai, sang tĭ ƀrôč hlăm kluôm ala čar thŭn 2025”.

Mta kñăm phŭn jing msir lăm jih ênoh sang anei hlăm kluôm ala êlâo kơ hruê 31/8/2025. Hdră pŏk ngă brei rơ̆ng kleĭ bhiăn “6 klă” (Klă mnuih, klă bruă, klă klei đua klam, klă klei dưi, klă hruê mmông lehanăn klă boh tŭ) lehanăn 4 “sĭt” (Lač sĭt, ngă sĭt, tŭ dưn sĭt, mnuih ƀuôn sang dưn sĭt)