Mđing truh Mlan ngă bruă kyua phung hđeh thŭn 2025 hŏng akŏ “Mđing djăp klei găl mâo bi leh dŭm mta kñăm kyua phung hđeh”, dŭm anôk bruă djŏ tuôm ti alŭ wăl čar Gia Lai pŏk ngă leh lu hdră bruă, hŏng klei gĭr ba truh kơ phung hđeh, boh nik hŏng phung hđeh ti krĭng taih kbưi, krĭng mnuih djuê ƀiă lehanăn phung hđeh mâo klei hdĭp dleh dlan dưi hdĭp hlăm sa wăl anôk êđăp ênang lehanăn mtăp mđơr.

Yan mdei prŏng thŭn 2025 ti Gia Lai, dŭm anôk bruă djŏ tuôm mđing truh kơ bruă mđĭ ai wăt kơ mnơ̆ng dhơ̆ng lehanăn ai tiê klei mĭn hŏng phung hđeh ƀun, phung hđeh mnuih djuê ƀiă čiăng kơ hđeh hơĭt ai tiê hlăm klei hriăm hră. Čar Gia Lai ară anei mâo giăm 5 êbâo cô hđeh dleh dlan lehanăn êbeh 95 êbâo čô hđeh huĭ srăng lĕ hlăm klei anei. Hŏng klei hgŭm kngan mơ̆ng bruă sang čư̆ êa alŭ wăl, dŭm êpul êya, anôk bruă dôk “Mjut mjing” mơ̆ng čar dôk mjing klei găl čiăng kơ phung hđeh đĭ kyar kluôm dhuôm./.