Hlăm anăn, mâo êbeh 1.500 boh sang dưi mdơ̆ng mrâo lehanăn giăm 450 boh sang dưi mkra mđĭ. Kdriêk Kon Braih lehanăn Đăk Hà jing dua kdriêk tal êlâo ngă leh mta kñăm anei. Čar mâo mta kñăm truh kơ knhal jih mlan 6 srăng ngă leh bruă msir lăm sang dôk êjai, sang tĭ ƀrôč kơ 2740 gŏ sang. Khă snăn, ară anei dôk 786 boh sang dôk rŭ mdơ̆ng, lu jing dŭm kdriêk Đăk Glei, Kon Plông, Tu Mơ Rông.

Hdră ngă adôk dleh dlan kyua ka dưi mkăp êbeh 5 êklai prăk đru mdơ̆ng sang kơ mnuih mâo bruă tŭ dưn, dŭm êpul ka jao ôh ênoh prăk 13 êklai mâo ƀuăn rơ̆ng; Đăk Glei dôk kƀah mnuih mă bruă đru brei. Êngao anăn, hlăm hdră ksiêm dlăng, lŏ mâo êbeh 1.300 gŏ sang dôk čiăng klei đru kơ sang dôk hơĭt kjăp kñăm bi hơĭt klei hdĭp./.