Ƀiădah, bruă lŏ čih yap mâo êbeh 1.300 gŏ sang mâo sang dôk êjai, sang ti ƀrôč, čar lŏ čiăng iêo jăk lu ai dưi kơ bruă anei. Hluê si knơ̆ng bruă djuê ana leh anăn klei đăo čar Kon Tum, phŭn agha klei anei kyua êjai ksiêm dlăng pral sang dôk dưi bi klă djăp hnơ̆ng čuăn, ƀiădah kyua klei truh yan adiê, êa lip lêč lŏ jhat rai, amâo dưi rơ̆ng kơ klei êđăp ênang. Hlăm hdră lŏ wĭt ksiêm dlăng hluê si hnơ̆ng čuăn mơ̆ng Phŭn bruă mkŏ mkra ba mdah lŏ mâo thiăm ênoh gŏ sang dưi đru hluê si klei čuăn.

Mmông hrui mă, bi kƀĭn klei čih hưn knŏng bhiâo, kyuanăn ngă truh klei bi hgao hĕ phung dưi dưn. Amâo yap ôh ênoh sang dôk êjai, sang tĭ ƀrôč lŏ mâo, yap truh hruê 21/5, čar Kon Tum dưi ngă klei msir lăm sang dôk êjai, sang tĭ ƀrôč kơ 2.622 gŏ sang, hlăm anăn rŭ mdơ̆ng mrâo 2.077 leh anăn mkra mđĭ 545 boh sang mâo hnơ̆ng 95% hlăm ênoh 2.752 gŏ sang čiăng msir lăn sang dôk êjai.