Leh pŏk ngă Hdră 939 “Đru kơ phung mniê mphŭn čô̆ kơ bruă”, dŭm gưl phung mniê kluôm čar bi hgŭm mkŏ mjing 168 adŭ hriăm mjuăt kơ klei thâo mnia blei, kriê dlăng, čih mkra hdră kčah leh anăn yua prăk brei čan kơ dŭm êbâo čô phung mniê. Lu klei bi trông, klei bi kƀĭn dưi mkŏ mjing kñăm mjing klei găl kơ phung amai adei mniê bi kah mbha klei thâo.

Klei bi kƀĭn ăt srăng mkŏ mjing 5 êpul anôk bruă duh mkra phung mniê, đru mkŏ mjing 4 anôk bruă duh mkra leh anăn giăm 90 êpul hgŭm bruă, êpul bi hgŭm kyua phung mniê ngă khua; đru êbeh 4.700 čô phung mniê čan prăk leh anăn ba mnơ̆ng dhơ̆ng kơ anôk bruă mnia blei điện tử. Klei bi kƀĭn ăt kčah hdră tă đru kơ phung mniê mphŭn čô̆ kơ bruă mguôp hŏng Hdră “Grăp să sa mta mnơ̆ng”, mbĭt anăn kčĕ hdră êlan leh anăn hdră msir bi leh hdră bruă hlăm wưng kơ anăp.