
Hlue si Phŭn bruă rŭ mdơ̆ng, kluôm ala mâo 686 hdră bruă sang dôk ala ƀuôn dôk pŏk ngă hŏng 623 êbâo boh sang, hlăm anăn mâo 117 hdră bruă dưi bi leh. Hjăn 5 mlan akŏ thŭn anei bi leh êbeh 11.600 boh sang leh anăn mphŭn rŭ mdơ̆ng thiăm 21 hdră bruă mrâo.

Khua knŭk kna bi mklă, mđĭ kyar sang dôk ala ƀuôn jing hdră êlan êđăp ênang čiăng êdi, rơ̆ng klei dưi mâo sang dôk kơ mnuih ƀuôn sang, boh nik phung êdu awăt. Khua knŭk kna bi mni kơ klei gĭr dŭm alŭ wăl, mbĭt anăn lač klă adôk lu klei gun kpăk brei ruh mgaih. Hdră kñăm truh thŭn 2030 bi leh 1 êklăk boh sang ala ƀuôn, hjăn thŭn 2025 jing 100 êbâo boh sang. Khua knŭk kna mtă kơ dŭm gưl khua knŭk kna, boh nik phung khua gĭt gai, brei mđing uêñ djŏ hnơ̆ng, ksiêm dlăng hdră êlan dưi čan prăk knŭk kna, lan ala, hră mơar čiăng mjing klei găl jăk hĭn kơ mnuih ƀuôn sang leh anăn anôk bruă duh mkra.
Viết bình luận