Knăm anei mâo mkŏ mjing ti čar Daklak mâo êpul hgŭm gru bi kal hrah mơ̆ng 19 boh čar ƀuôn prŏng ti kwar krah, lăn dap kngư. Mơ̆ng anăn mâo klei đru leh kơ čar Daklak êbeh 4,5 êklai prăk pioh ngă dŭm bruă kơ klei bi đru.

Tĭng kơ čar Daklak, srăng mkŏ mjing ƀiă êdi 4 hdră mkă dlăng mdrao mgŭn, mbha êa drao amâo mâo mă prăk ôh, đru rŭ mdơ̆ng lehanăn mkra wĭt 6 sang pui anôk huă ƀơ̆ng kơ hđeh dôk huă ƀơ̆ng yang hruê dơ̆ng, mđup brei êdeh wai jơ̆ng, prăk đru hriăm hră mơar, đru dŭm gŏ sang dleh dlan, hđeh hriăm hră ƀun hgao klei dleh dlan. Anei jing thŭn tal 4 mlan bi đru mâo ngă leh hlăm kluôm ala. Hŏng akŏ "klei bi đru – thâo bi lar klei khăp". Mlan klei bi đru thŭn anei mâo ngă lu êdi mơ̆ng hrue 8-19/5, lehanăn iêo mkrum bi mâo ƀiă êdi 400 êklai prăk pioh kơ bruă bi đru./.