Hdră kyua Êpul hgŭm phung mniê Việt Nam gưl dlông pŏk ngă kñăm đru, rông ba phung hđeh êrĭt amĭ ama mâo klei hdĭp dleh dlan. Leh giăm 5 thŭn pŏk ngă hdră, ti Gia Lai mâo 172 amĭ rông đru klă klơ̆ng leh anăn 150 čô amĭ rông đru nah tluôn. Phung amĭ rông ti čar dôk đru, kriê dlăng, rông ba 407 čô hđeh êrĭt amĭ ama.

Mơ̆ng lu hdră đru, hdră iêô mkrum mđup brei êbeh 57.000 hnư mnơ̆ng, 580 hnư prăk hriăm hrăm 185 êdeh wai jơ̆ng, đru mkra sang kơ hđeh êrĭt amĭ ama… mâo ênoh giăm 10 êklai prăk. Hlăm knăm anei, phung bi ala bi trông klei thâo, gru hmô jăk hlăm bruă mkŏ êpul êya, iêô mthưr dŭm êpul bruă, phung hrăm mbĭt kriê dlăng hđeh êrĭt amĭ ama; kah mbha klei mĭn phung knuă druh hlăm Klei bi lông pŏk ngă hdră bruă; klei khăp phung amĭ rông tơdah rông ba phung hđeh ka thâo kral jing anak, đru kơ digơ̆ mâo gŏ sang.