Hlue si Hdră mtrŭn 190, hruê 20/1/2025, K’iăng Khua knŭk kna Hồ Đức Phớc jao kơ Phŭn bruă ngăn prăk mbha amâo mă prăk kơ čar Kon Tum êbeh 105 ton braih, hlăm anăn êbeh 58 ton braih đru kơ mnuih ƀuôn sang gưl Tết Nguyên đán Ất Tỵ leh anăn êbeh 47 ton braih đru kơ mnuih ƀuôn sang êlâo yan hrui wiă thŭn 2025. Leh Knŭk kna mâo hdră mtrŭn mkăp êbeh 105 ton braih đru giăm 2.300 gŏ êsei gưl Tết Nguyên đán Ất Tỵ leh anăn êlâo yan hrui wiă thŭn 2025, čar Kon Tum pŏk ngă mtam bruă tŭ mă braih čiăng đru kơ mnuih ƀuôn sang bi hmao, djŏ mnuih, djŏ hnơ̆ng êlâo kơ Tết Nguyên đán Ất Tỵ 2025.

Hŏng čar Kon Tum, gưl anei Knŭk kna ăt bi mklă mbha jih jang êbeh 2.500 ton braih amâo mă prăk mơ̆ng hjiê mkăp ala čar đru kơ mnuih ƀuôn sang dŭm čar: Hà Giang, Cao Bằng, Ninh Thuận, Dak Lak ƀri gưl Tết Nguyên đán Ất Tỵ leh anăn êlâo yan hrui wiă thŭn 2025.