Knơ̆ng bruă sang čư̆ êa čar Kon Tum bi mklă đru kơ dŭm gŏ êsei ƀun leh anăn giăm ƀun drông Tết Nguyên đán Ất Tỵ. Grăp gŏ êsei ƀun ti čar Kon Tum mâo đru 600 êbâo prăk leh anăn grăp gŏ êsei giăm ƀun  mâo đru 300 êbâo prăk čiăng drông Tết Nguyên đán Ất Tỵ. Ênoh bi liê đru gưl anei 6 êklai prăk. Knơ̆ng bruă sang čư̆ êa čar Kon Tum mtă kơ dŭm kdriêk, ƀuôn prŏng yua hdră mĭn tĭng čar jao thŭn 2025 čiăng hlue ngă.

Hŏng ênoh bi liê đru kơ gŏ êsei giăm ƀun dŭm kdriêk, ƀuôn prŏng bi hgŭm hŏng Bruă mặt trận čar kwar Việt Nam hŏng dŭm gưl leh anăn êpul bruă iêô mkrum, tŭ mă leh anăn mbha mơ̆ng dŭm ênoh đru mơ̆ng dŭm êpul bruă, phung bi mklă mơ̆ng Keh kyua phung ƀun mbĭt anăn bi kna ênoh ngăn prăk čiăng hlue ngă. Knhal jih thŭn mrâo êgao, kluôm čar adôk 6.557 gŏ êsei ƀun (mâo 4,31% mkă hŏng ênoh gŏ êsei mnuih ƀuôn sang kluôm čar). Kơ ênoh gŏ êsei giăm ƀun kluôm čar adôk 5.547 gŏ êsei (mâo 3,65%).