Kơiăng khua lăn čar Võ Thị Ánh Xuân mđup brei mnơ̆ng kơ gŏ sang knŭk kna dlăng ba ti Gia Lai
Thứ tư, 14:15, 15/01/2025
VOV TAYNGUYEN
VOV TAYNGUYEN
VOV4.Êđê- Tlam mbruê 14/1, lŏ dơ̆ng gưl mă bruă ti Gia Lai, Kơiăng khua lăn čar Võ Thị Ánh Xuân nao čuă, mdup brei mnơ̆ng Têt kơ gŏ sang knŭk kna dlăng ba, mnuih ƀun, mnuih mă bruă, phung hđeh mâo klei hdĭp dleh dlan ti čar.
Blŭ ti knăm anei, Kơiăng khua lăn čar Võ Thị Ánh Xuân lač klă, čar Gia Lai lehanăn krĭng Lăn dap kngư jing alŭ wăl phŭn hlăm bruă lĭng kahan – răng mgang klei êđăp ênang, mâo knhuah dhar kreh jăk siam mơ̆ng dŭm djuê ana ƀiă.
Bi êdah klei mơak hlăk hdră duh mkra krơ̆ng kjap hnơ̆ng đĭ kyar, dhar kreh ala ƀuôn đĭ kyar mơh, Kơiăng khua lăn čar bi mni kơ dŭm anôk bruă djŏ tuôm mơ̆ng čar Gia Lai duh leh êbeh 50 êklai prăk mđing dlăng kriê kơ gŏ sang knŭk kna dlăng ba, mnuih ƀuôn sang, mnuih djuê ƀiă ti krĭng taih kbưi, mnuih mă bruă hlăm wưng Têt djuê ana Ất Tỵ 2025. Ti hdră anei, Kơiăng khua lăn čar Võ Thị Ánh Xuân jao leh 500 hnư mnơ̆ng mâo ênoh 500 êklăk prăk kơ mnuih ƀun ti čar Gia Lai.
Viết bình luận